Jan 13:8 - Di Jamiekan Nyuu Testiment

⁸ Piita se, “Nuo sa! Yu no gweehn wash mi fut dem!” Bot Jiizas ansa im se, “Ef mi no wash yu, yu na'av no lat an paat wid mi.”

Jan 13:8 ပူးပေါင်းရင်းမြစ်များ

Taitos 3:5

im siev wi. A no kaaz a notn gud we wi du bot kaaz im lov wi an im andastan wa wi go chuu. Gad siev wi wid di powa a im Uoli Spirit we wash wi an gi wi nyuu laif.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

Iibruu 10:22

So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

Ifiijan 5:26

Jiizas gi op im laif pan di kraas, so dat im kuda mek di choch kliin an set ar wan said fi Gad. A di Gud Nyuuz we powaful dat im tek wash ar an mek ar kliin.

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Koloshan 2:23

Iivn duo dem ruul ya mait-a soun laik se dem mek gud sens, dem push piipl fi worship di wie ou di piipl dem we mek di ruul dem kom tugeda an se piipl fi worship; dem presha piipl fi gwaan laik se dem ombl; an dem push dem fi anggl dem badi bad — bout a sorv dem a sorv Gad wen dem du dat. Dem ruul ya mait-a luk laik se dem mek sens, bot dem no wot a ting. Dem no elp nobadi fi tan op chrang gens di rang sitn dem we di badi waahn, an fi elp dem kip we fram aal a dem sitn de.

Koloshan 2:18

No fala nobadi we waahn mek unu fiil bad kaaz dem se unu no worship Gad ou unu fi worship im. Dem gwaan an gwaan bout ou unu fi ombl unuself, an bout ou unu fi worship ienjel. No lisn dem. Dem dis a chat a galang bout wa dem kliem se dem si iina vijan. Bot dem a buos an dem no av notn fi buos bout siek-a dem worliyan main.

Jan 3:5

Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.

Matyu 26:33

Piita se, “Aal ef di uol a dem ron we gaan siek-a wa a-go apm tu yu, mi naa go no we!”

Matyu 21:29

“Di bwai se, ‘Mi naa go no we.’ Bot lietaraan im chienj im main an go.

Matyu 26:35

So Piita se, “Aal ef dem afi kil mi wid yu, mi wi neva se mi no nuo yu.” An aal a im speshal falara dem se di siem ting.

Matyu 16:22

So Piita tek im wan said an staat ries im op fi se sitn laka dat: “Laad, mi prie se Gad neva mek sitn laka dat apm! Dis mosn apm tu yu!”

Jan 13:6

Wen im kech a Saiman Piita, Saiman Piita tel im se, “Laad, yu a go wash fi mi fut dem?”

Jan 13:9

So Saiman Piita se, “Laad, no onggl wash mi fut dem! Wash mi ed an mi an dem tu!”