7 So Jiizas se tu im se, “Yu no get wa mi a du rait ya nou, bot yu wi andastan afta dem sitn ya apm.”
(Nou Jiizas falara dem neehn andastan dem sopm ya fos aaf. A onggl afta Jiizas ded an kom bak alaiv an Gad shuo ou im big an powaful dem memba se dem sitn ya did rait dong bout im an dat dem did apm tu im.)
Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.
Saiman Piita aks im se, “Laad, a we yu a go?” Jiizas ansa im se, “Yu kyaahn fala mi go wich paat mi a go rait ya nou, bot yu wi kom likl muo.”
Wen im kech a Saiman Piita, Saiman Piita tel im se, “Laad, yu a go wash fi mi fut dem?”