Jan 13:5 - Di Jamiekan Nyuu Testiment

⁵ Afta im du dat de, im chuo waata iina wan biesn an staat fi wash im falara dem fut. Im den jrai dem aaf wid di towil we im did rap roun im wies.

Jan 13:5 ပူးပေါင်းရင်းမြစ်များ

Luuk 7:44

Im ton tu di uman an se tu Saiman, “Yu si da uman ya? Mi kom a yu yaad an yu no gi mi no waata fi wash mi fut. Bot da uman ya wash mi fut wid ar yai-waata an waip dem wid ar ier.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.

Iibruu 10:22

So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

Ifiijan 5:26

Jiizas gi op im laif pan di kraas, so dat im kuda mek di choch kliin an set ar wan said fi Gad. A di Gud Nyuuz we powaful dat im tek wash ar an mek ar kliin.

1 Korintiyan 6:11

An a dem de kain-a piipl som a unu yuus tu bi. Bot Gad did wash unu an mek unu kliin. Im sen im Uoli Spirit fi taak tu unu aat so dat unu an wi Laad Jiizas Krais kuda ton wan. An wen unu ton wan, im tek we unu sin.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

1 Jan 5:6

Jiizas Krais a di wan we did kom iina di worl fram evn. Wen im kom im did get baptaiz an den im ded pan di kraas. Im neva onggl get baptaiz, bot im ded pan di kraas tu. Di Spirit taak bout im, an di Spirit onggl taak di chuut.

1 Jan 1:7

Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.

Jan 19:34

So insted-a brok Jiizas fut dem, wan a di suoja dem tek wan spier shub iina im said, an blod an waata ron out sed taim.

Luuk 7:38

Shi go baka im, tan wich paat im chrech out im fut an staat baal. Shi mek ar yai-waata wet op im fut an waip dem aaf wid ar ier, den shi kis dem an chuo out di porfyuum pan dem.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Jan 13:10

Jiizas ansa an se, “Sumadi we bied aredi onggl afi wash im fut, kaa im uol badi wuda kliin aredi. Unu kliin, bot a no aal a unu kliin.”

Jan 13:8

Piita se, “Nuo sa! Yu no gweehn wash mi fut dem!” Bot Jiizas ansa im se, “Ef mi no wash yu, yu na'av no lat an paat wid mi.”

Jan 13:6

Wen im kech a Saiman Piita, Saiman Piita tel im se, “Laad, yu a go wash fi mi fut dem?”