Jan 13:31 - Di Jamiekan Nyuu Testiment

³¹ Afta wen Juudas lef go we, Jiizas se, “Gad gweehn shuo ou di Man we im Pik big an powaful, an Gad gweehn yuuz im fi shuo ou im Gad big an powaful.

Jan 13:31 ပူးပေါင်းရင်းမြစ်များ

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Luuk 12:50

Bot mi afi go chuu som siiros sofarieshan, an mi aat evi til it don!

Jan 11:4

Wen Jiizas ier bout it, im se, “Nobadi naa go ded siek-a da siknis ya. It gweehn kaaz piipl fi big op Gad. An dem a-go big op di Man we Gad Pik siek-a it tu.”

Jan 12:23

Jiizas se tu dem se, “Di taim kom fi Gad shuo ou di Man we Gad pik big an powaful.

Jan 12:28

Faada, big op yuself an yu niem!” Den wan vais fram outa di skai se, “Mi big it op aredi, an mi gweehn big it op wan neda taim.”

Jan 14:13

An mi wi du eniting unu aks fa kaa unu a mi falara. Mi gweehn dwi'it so dat di Bwai Pikni kyan get fi shuo ou di Faada big an powaful.

Jan 16:14

Im a-go shuo ou mi big an powaful, kaaz im a-go ier wa mi se an tel unu it bak.

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Aks 2:36

“So mi waahn aal a unu Izrel piipl fi nuo an andastan dis: Gad mek da siem Jiizas ya Laad an Krais.”

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

Ifiijan 1:12

Im pik wi, so dat wi, we a did di fos wan dem fi chos iina Krais Jiizas, wuda kaaz piipl fi priez Gad, wen dem si ou im big an powaful.

Ifiijan 2:7

Gad du aal a dis ya, so dat iina di worl we a-go kom, im kyan shuo evribadi ou im lov wi iivn duo wi no dizorv it an kain tu aal a wi siek-a wa Krais Jiizas du fi wi.

Ifiijan 3:10

Gad du aal a dis so dat, iina dem taim ya, di choch wuda shuo di spirit dem we ruul an we av nof powa iina di skai, ou Gad riili riili waiz.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.