Jan 13:18 - Di Jamiekan Nyuu Testiment

¹⁸ “Wa mi a se a no bout aal a unu. Mi don nuo wich wan a unu mi pik aredi. Bot wa Gad wod se afi kom chuu. It se dat, ‘Di sumadi we nyam fi mi uona bred ton gens mi.’

Jan 13:18 ပူးပေါင်းရင်းမြစ်များ

Matyu 26:23

Jiizas ansa bak, “Di wan we dip im an iina di boul wid mi, a im a-go sel mi out.

Jan 17:12

Wen mi did de mongks dem, mi yuuz yu powa fi gyaad an kip dem sief — di powa we yu did gi mi. Non a dem neehn laas, onggl di wan we did baan fi ded an go a el. An dis ya apm so dat wa Gad wod se wuda kom chuu.

Maak 14:20

Im se, “A wan outa di twelv a unu, wan a unu we a dip unu an iina di boul wid mi.

Jan 13:26

So Jiizas ansa an se, “A di wan we mi gweehn gi da piis a bred ya afta mi dip it iina di boul.” Den, wen im dip di bred iina di boul im gi it tu Juudas Iskyariyat, Saiman bwai pikni.

Jan 6:70

Den Jiizas ansa bak an se, “No twelv a unu mi pik? An stil wan a unu a di devl uona self.”

Jan 15:19

Ef unu did komiin laka di piipl dem iina di worl, dem wuda lov unu laka ou dem lov dem uona piipl. Bot unu no komiin laka di piipl iina di worl, kaa mi pik unu out fram mongks dem. A it mek dem iet unu.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Matyu 10:36

An wan man wos enimi, a-go bi paat a fi'im uona fambili.’

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

Matyu 26:21

An wen dem de de a nyam a gwaan, im se tu dem se, “Mi tel unu dis, an a chuu mi a taak, wan a unu a-go sel mi out.”

Maak 14:17

Wen iivnin kom Jiizas an im twelv falara dem kom a di ous.

Maak 14:18

Wen dem did sidong a di tiebl an did a iit, Jiizas se tu dem se, “Mi a tel unu dis, an a chuu mi a taak, wan a unu we de ya a nyam wid mi a-go sel mi out.”

Luuk 22:21

Bot luk, di man we a-go sel mi out de rait ya-so a di tiebl wid wi.

Jan 13:21

Wen Jiizas don se dis ya, im aat get evi an im se, “Fi chuu chuu mi a tel unu se, wan a unu gweehn sel mi out.”

Jan 13:22

So im falara dem staat luk pan dem wan aneda kaa wa Jiizas se tu dem did a bada dem ed.

Jan 15:25

Bot dis ya apm so dat wa rait dong iina Gad wod wuda kom chuu. It se, ‘Dem iet mi fi notn at aal.’

Jan 18:32

(Nou dis ya apm fi mek we Jiizas did taak bout ou im did a-go ded kom chuu.)

Jan 19:24

Di suoja dem se tu dem wan aneda se, “Mek wi no tier tier it op. Mek wi chuo dais an si uu fi get it.” Nou dis ya apm so dat wa Gad wod se wuda kom chuu. It se, “Dem shier op mi kluoz mongks dem wan aneda an dem tek dais gyambl fi mi kluoz.” So a sed ting di suoja dem du.

Jan 19:36

Aal a dem sitn ya apm so wa Gad wod se wuda kom chuu. It se, “No iivn wan a im buon dem a-go get brok.”

Aks 1:2

til di die im get tek op iina evn. Dat a did afta Jiizas yuuz di Uoli Spirit fi tel im apasl dem we im did pik, wa im waahn dem fi du.

Aks 1:16

an se tu dem se, “Breda an sista, wa rait dong iina Gad wod did afi apm. Lang bifuo it apm, di Uoli Spirit did mek Dievid taak bout Juudas, di wan we sel out Jiizas an mek di piipl dem ares im.