Jan 13:13 - Di Jamiekan Nyuu Testiment

¹³ Unu kaal mi ‘Tiicha’ an unu kaal mi ‘Laad,’ an unu rait, kaa mi a dat fi chuu.

Jan 13:13 ပူးပေါင်းရင်းမြစ်များ

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Luuk 10:28

Jiizas se tu im se, “Yu ansa rait. Du dat an yu wi liv.”

Luuk 6:46

“Wa mek unu a kaal mi, ‘Laad, Laad,’ an naa du wa mi se?

Luuk 7:43

Saiman ansa Jiizas se, “Mosi di wan we did uo im di muos.” “Yu rait,” Jiizas ansa im.

Jan 11:2

(A da Mieri ya did chuo porfyuum ail pan di Laad an waip aaf im fut dem wid ar ier. A fi ar breda Lazaros did sik.)

Jan 11:28

Afta Maata se dis ya, shi go we go kaal Mieri ar sista wan said an tel ar se, “Di Tiicha de ya, an im a aks fi yu.”

Jan 11:3

So di sista dem sen mesij tu Jiizas se, “Laad, di sumadi we yu lov sik.”

1 Korintiyan 12:3

So mi waahn unu fi andastan se nobadi we av Gad Spirit a liid dem kyan se dat, “Gad joj Jiizas an se im fi ded.” An sumadi kyan onggl se, “Jiizas a Laad” ef dem av di Uoli Spirit a liv iina dem.

1 Korintiyan 8:6

Bot wi nuo se a onggl wan Gad de bout. Im a di Faada we mek evriting an im a uu wi a liv fa. An wi nuo se a onggl wan Laad de bout an dat a Jiizas Krais, a im mek evriting an a im mek wi kyan liv.

Ifiijan 6:9

An aal a unu we av sliev, unu fi chriit unu sliev dem gud. Unu no fi chretn dem, kaa memba se unu an unu sliev av di siem maasta iina evn, an im no paashal wid nobadi.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

Filipiyan 3:8

Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

Jiemz 2:19

Yu biliiv se a onggl wan Gad de — gud! Aal di diiman dem biliiv dat an chrimbl.