Jan 12:48 - Di Jamiekan Nyuu Testiment

⁴⁸ Yu av wan joj fi di piipl dem we ton dem bak pan mi, an no lisn tu wa mi se. Di sopm dem we mi se gweehn joj dem pan di laas die.

Jan 12:48 ပူးပေါင်းရင်းမြစ်များ

Matyu 10:15

Mi naa lai, pan jojment die, di ponishment we Sadam an Gomaro a-go get a-go iiziya dan da toun de.

Matyu 21:42

Jiizas se tu dem se, “Unu neehn riid iina Gad wod se: “‘Di rakstuon di bilda fling we, a it a uol op di bildin nou. A di Laad du dis, an wi yai uopm op waid waid wen wi si di sitn we im du’?

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Maak 12:10

Unu neva riid wa rait dong iina Gad wod, “ ‘Di rakstuon di bilda fling we a it a uol op di bildin nou.

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

Maak 8:31

Den Jiizas staat tel im falara dem se, “Di Man we Gad Pik a-go afi go chuu nof nof sofarieshan, an di elda dem, di ed priis dem, an di Laa tiicha dem a-go ton dem bak pan im, an dem a-go kil im. Bot chrii die afta dat, im a-go kom bak alaiv.”

Luuk 10:16

Fi don we im a se, Jiizas se tu im sevnti-tuu falara dem, “Enibadi we lisn tu unu lisn tu mi. Enibadi we ton dem bak pan unu, ton dem bak pan mi. Dem we ton dem bak pan mi ton dem bak pan di wan we sen mi.”

Luuk 17:25

Bot mi afi sofa uol iip a sitn fos an di piipl dem fram da taim ya a-go ton dem bak pan mi.

Luuk 20:17

Jiizas luk chriet iina dem yai an aks dem, “Wa unu tingk it miin wen it rait dong se: “ ‘Di rakstuon di bilda fling we, a it a uol op di bildin nou’?

Luuk 7:30

Bot di Farisii an di Laa tiicha dem ton dem bak pan wa Gad did waahn dem fi du, kaaz dem neva mek Jan Baptaiz dem.)

Luuk 9:22

Im se, “Di Man we Gad Pik a-go a fi go chuu nof nof sofarieshan, an di elda, ed priis, an Laa tiicha dem a-go ton dem bak pan im, an dem a-go kil im. Bot afta chrii die paas, im a-go kom bak alaiv.”

Luuk 9:26

Ef enibadi shiem a mi an wa mi tiich, wen di man we Gad Pik kom, im a-go shiem a dem tu. Wen im kom im lait a-go shain roun im. An di lait we shain roun di Faada an di uoli ienjel dem, a-go shain roun im tu.

Jan 11:24

So Maata ansa im an se, “Mi nuo im gweehn kom bak alaiv pan di die wen di worl en an piipl kom bak alaiv.”

Jan 5:45

“Bot no tingk se mi gweehn paint fingga pan unu an se unu gilti wen taim unu tan op infronta mi Faada. Nuo! A Muoziz gweehn dwi'it. Di siem wan we unu tingk se wuda elp unu.

Jan 6:39

An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

Jan 8:47

Dem we bilang tu Gad ier wa Gad se. Unu kyaahn si chuu we mi a se, kaa unu no bilang tu Gad.”

Aks 17:31

kaaz im set wan die wen im a-go joj aal a di piipl iina di worl. An im av wan speshal man we a-go joj piipl fi'im, an da man de a-go joj evribadi di wie ou dem fi get joj — im no paashal. An Gad mek da man de kom bak alaiv afta im did ded fi mek evribadi si se a no no juok ting im a diil wid.”

Aks 3:23

Gad a-go ton im bak pan enibadi we no lisn an we no du we da prafit de se, an dem naa go bi paat a im piipl no muor.’

Ruoman 2:16

Di siem ting we mi priich a di siem ting we a-go apm pan di die wen Jiizas kom bak fi joj di worl. Im a-go joj piipl bies pan wa dem tingk an wa dem du, iivn di sitn dem we dem du iina siikrit.

2 Korintiyan 4:3

An iivn ef som piipl kyaahn andastan di Gud Nyuuz we wi priich, a onggl di piipl we no biliiv an we a-go ded, kyaahn andastan it.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Iibruu 10:25

Mek wi gwaan miit tugeda an kip choch — no tap, laik we som piipl a du. Insted-a dat mek wi kom tugeda an taak so wi wan aneda aat kyan get chrangga; wos laka ou di Laad suun kom bak, mek wi du dem sitn de muo an muo nou.

Iibruu 12:25

Wach out an mek shuor se unu no ton unu bak pan di wan we a chat! Kaaz ef dem neehn get we wen dem did ton dem bak pan di wan pan ort we waan dem, unu tingk se wi a-go get we ef wi ton wi bak pan di wan fram evn we a waan wi?

Iibruu 2:3

den a ou wi a-go get we, ef wi ton wi bak pan da impuotant mesij ya bout ou Gad a-go siev wi, an no pie it no main, iihn? A di Laad Jiizas imself did fos tel piipl bout it yu nuo. An den di piipl dem we did ier im, mek wi nuo se it go so fi chuu.

Iibruu 4:12

Kaaz wen Gad taak, a laik se di sitn dem we im se alaiv, av powa an kyan du tingz! Gad wod kot beta dan eni wan a di tuu-saidid kotlis dem, an aal buor chuu an plit op suol fram spirit, an kot we wich paat di buon dem jain op fram di blod an sitn dem we de insaida di buon dem. It kyan joj we wi tingk iina wi aat an di sitn dem we wi waahn.

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.

2 Piita 3:3

Fos ting fos, unu fi andastan se iina di laas die dem, piipl we mak piipl we biliiv iina Jiizas, a-go kom laaf aafa unu tu. Dem waahn fi du di rang sitn dem an a dat dem galang go du!

2 Piita 3:7

An a Gad siem wod a kip di evn an di ort ya nou til jojment die wen im a-go bon dem op iina faiya an ponish di piipl dem we no bizniz wid wa im se.