Jan 12:44 - Di Jamiekan Nyuu Testiment

⁴⁴ Den Jiizas shout out pan tap a im vais an se, “Di sumadi we chos iina mi no chos iina mi wan, im chos iina di wan we sen mi kom ya tu.

Jan 12:44 ပူးပေါင်းရင်းမြစ်များ

Matyu 10:40

“Enibadi we welkom unu, welkom mi. An enibadi we welkom mi, welkom di wan we sen mi kom.

Maak 9:23

Jiizas ansa im se, “ ‘Ef yu kyan du notn fi'im?’ Ef yu biliiv eniting kyan apm.”

Maak 9:37

“Enibadi we tek iin wan a dem likl pikni ya kaaz im biliiv iina mi tek mi iin tu an enibadi we tek mi iin, a no jos mi dem a tek iin, dem a tek iin di wan we sen mi tu.”

Jan 11:43

Afta Jiizas don se dat, im baal out loud loud se, “Lazaros, kum out!”

Jan 13:20

Fi chuu chuu mi a tel unu se, enibadi we tek iin di sumadi mi sen tek mi iin tu, an enibadi we tek mi iin tek iin di wan we sen mi kom.”

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Jan 7:28

Da taim de, Jiizas did stil a tiich iina di yaad we Gad ous de. Im ier we di piipl dem did a se, so im baal out loud loud pan tap a im vais an se, “Unu nuo mi an unu nuo we paat mi kom fram! Mi no sen miself kom ya, bot unu kyan chos di wan we sen mi kom. Unu no nuo im,

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.