Jan 12:40 - Di Jamiekan Nyuu Testiment

⁴⁰ “Gad blain dem an im mek dem aat tof, so dem kyan niida si wid dem yai, ar andastan iina dem main, ar ton tu mi, Gad, an chienj dem wiez so mi go mek dem get beta.”

Jan 12:40 ပူးပေါင်းရင်းမြစ်များ

Matyu 15:14

Lou dem, mek dem gwaan. Dem a blain piipl we a liid blain piipl. Ef blain a liid blain, di tuu a dem no boun fi jrap iina uol?”

Maak 4:12

so “ ‘Iivn duo dem mait-a a luk an a luk aad aad, dem naa go si notn, an iivn duo dem mait-a a lisn an a lisn gud gud dem naa go andastan wa dem ier, kaaz ef dem did andastan dem wuda ton we fram dem sin an get siev.’ ”

Maak 6:52

kaaz iivn duo dem did si di mirikl we Jiizas did du wid di fish an di bred, dem stil neva andastan di powa we im av, kaaz dem ed did tof.

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Luuk 8:10

Jiizas se tu dem se, “Unu get fi andastan di siikrit sopm dem bout Gad kindom, bot fi ada piipl, mi mek wa mi se soun laik rigl. So dat, “ ‘Iivn duo dem kyan si, dem naa si; an iivn duo dem kyan ier, dem naa andastan.’

Jan 12:39

An dem kudn chos iina im kaaz jos laik wa Aizaiya se a wan neks plies,

Jan 9:39

Jiizas se, “Mi kom iina di worl fi joj piipl, so blain piipl kyan si an di wan dem we tingk se dem kyan si get blain.”

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Aks 28:26

Im se, “ ‘Go tu dem piipl ya an se tu dem se, “Unu a-go aalwiez a lisn gud, bot unu naa go andastan wa unu ier. Unu a-go kip aan a luk aad aad, bot unu naa go si notn.”

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Ruoman 9:18

So den Gad gud an kain tu uu im waahn fi gud an kain tu an ef im waahn fi mek sumadi ton dem aat gens im, im wi mek dem ton dem aat gens im.