Jan 12:37 - Di Jamiekan Nyuu Testiment

³⁷ Aal afta wen Jiizas du di uol a dem powaful sitn de infronta di piipl dem, dem stil mek op dem main fi no chos iina im.

Jan 12:37 ပူးပေါင်းရင်းမြစ်များ

Matyu 11:20

Den Jiizas staat kos out di siti dem wich paat im did du muos a im mirikl dem, kaa dem neehn ton we fram dem sin an beg Gad paadn.

Luuk 16:31

“Iebriyam se, ‘Ef dem no lisn Muoziz an di prafit dem, no iivn sumadi fram di ded a-go mek dem chienj dem main.’ ”

Jan 1:11

Im kom tu im uona konchri an im uona piipl dem ton dem bak pan im.

Jan 11:42

Mi nuo se yu eva lisn tu mi, bot mi a se dem sitn ya fi di siek-a di kroud a piipl we de ya-so, so dat dem kyan biliiv se a yu sen mi kom.”

Jan 12:36

Chos iina di wan we gi lait wail unu av im wid unu, chos iina im so unu kyan bi piipl we bilang tu di lait.” Afta Jiizas don taak, im lef go we go aid imself fram di kroud.

Jan 12:38

Dis ya apm fi mek we Aizaiya di prafit did se kom chuu. Im se, “Laad, uu biliiv wa wi tel dem se? A uu di Laad shuo im powa tu?”

Jan 15:24

Dem wudn gilti ef mi neehn du di powaful sitn dem we dem neva si nobadi els du. Bot nou dem si dem powaful sitn ya, an dem iet mi an mi Faada siem wie.

Jan 2:11

Nou, Jiizas wok uol iip a mirikl an da wan ya a did di fos wan outa aal a dem. Im did du it iina Kiena we de a Gyalalii. Da wie de, im shuo ou im big an powaful. An im falara dem biliiv iina im.

Jan 6:2

Wan big kroud a piipl fala baka im, kaa dem si di powaful mirikl dem im did a wok an mek sik piipl get beta.