Jan 12:36 - Di Jamiekan Nyuu Testiment

³⁶ Chos iina di wan we gi lait wail unu av im wid unu, chos iina im so unu kyan bi piipl we bilang tu di lait.” Afta Jiizas don taak, im lef go we go aid imself fram di kroud.

Jan 12:36 ပူးပေါင်းရင်းမြစ်များ

Ifiijan 5:8

Wan taim, unu did a liv iina di daak laik piipl we no nuo Gad. Bot nou dat unu ton di Laad pikni, unu no iina daaknis agen, unu iina lait. So nou, unu mos liv laik piipl we de iina di lait,

1 Tesaluoniyan 5:5

Kaaz di uol a unu bilang tu di lait an unu bilang tu di die. Wi no av notn fi du wid nait an daaknis.

Jan 8:59

Wen dem ier dis, dem pik op rakstuon fi fling aafa im, bot im aid we an go we fram we Gad ous did de.

Luuk 16:8

“Iivn duo di manija did tiif, di maasta big im op kaaz im did sumaat. Di piipl we bilang tu da worl ya, sumaata wen dem a diil wid dem wan aneda, dan Gad piipl.

Jan 11:54

Siek-a dat nou, Jiizas kip we fram di Juu piipl dem we kom fram Judiya. Im lef go a wan plies nier di dezot, wan toun niem Iifriem. An im tan de wid im falara dem.

Jan 1:7

Gad did sen Jan fi tel piipl bout di wan we a di lait, so dem kuda biliiv we Jan se.

1 Tesaluoniyan 5:8

Bot wi we bilang tu di die, wi fi tingk chriet an chos iina Gad an lov im. Da wie de wi a protek wiself jos laik di suoja dem wen dem wier di metal ves. An jos laik ou di suoja dem put aan di elmit fi protek dem ed, a siem so wi fi protek wiself an luk faawod fi Gad siev wi, an biliiv iina wi aat se im a-go du it.

Jan 3:21

Bot di sumadi we a du wa Gad se a di rait ting fi du, waak out iina di lait, so dat evribadi kyan si se a riili Gad mek im du we im a du.”

Matyu 21:17

An wen im lef dem, im kom outa di toun go Betani an tan de fi di nait.

Matyu 5:14

“Unu a laik lait we di uol worl niid. Wan siti we de pan di il tap, it kyaahn aid.

Jan 8:12

Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

Jan 12:37

Aal afta wen Jiizas du di uol a dem powaful sitn de infronta di piipl dem, dem stil mek op dem main fi no chos iina im.

Jan 12:46

Mi kom iina di worl laka wan lait, so dat dem we chos iina mi no gweehn tan iina daaknis.