Jan 12:34 - Di Jamiekan Nyuu Testiment

³⁴ So di kroud se tu im se, “Di Laa tel wi se di Krais gweehn stie fi eva, so ou yu a taak bout, ‘Di Man we Gad Pik a-go get lif op’? A uu a dis ya ‘Man we Gad Pik’?”

Jan 12:34 ပူးပေါင်းရင်းမြစ်များ

Matyu 16:13

Wen Jiizas kech a di Sesuriiya Filipai ieriya, im aks im falara dem se, “A uu di piipl dem se di Man we Gad Pik bi?”

Matyu 21:10

Wen im riich iina Jeruusilem di uol toun kech a faiya, evribadi a se, “A uu dis ya?”

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Jan 10:34

So Jiizas ansa dem an se, “A no iina fu'unu Laa buk it rait dong se Gad se, ‘Mi tel unu se unu a gad’?

Jan 12:32

An mi, wen mi get lif op aafa di ort, mi gweehn mek evribadi kom tu mi.”

Jan 15:25

Bot dis ya apm so dat wa rait dong iina Gad wod wuda kom chuu. It se, ‘Dem iet mi fi notn at aal.’

Jan 8:28

So Jiizas se, “Wen unu lif op di Man we Gad Pik pan di kraas, a dem taim de unu gweehn nuo se mi a uu mi se mi bi, an dat mi no du notn pan mi uon bot dat mi taak onggl wa mi Faada tiich mi.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

Ruoman 5:18

So a wan man sin mek Gad joj piipl an se dat dem fi get ponish fi dem sin dem. A siem so a wan man — wan man we aalwiez du we rait, a im mek Gad put tingz rait wid piipl an mek dem liv fi eva an eva.

Iibruu 7:24

Bot Kaaz Jiizas naa no ded a ded, im a-go tan priis fi eva an nobadi naa tek uova fram im.