Jan 12:29 - Di Jamiekan Nyuu Testiment

²⁹ Di kroud a piipl we did de de an ier di vais se a ruol tonda did ruol. Ada piipl se a ienjel did a taak tu im.

Jan 12:29 ပူးပေါင်းရင်းမြစ်များ

Revilieshan 14:2

An mi ier wan vais fram evn we soun laik wen wan powaful riva kom dong, an laik wen loud tonda ruol. Di soun did komiin laik wa yu ier wen piipl a plie dem aap.

Revilieshan 11:19

Den Gad ous iina evn uopm op. An mi si iina Gad ous di likl wud baks we kip di tuu stuon buk dem we Gad did gi Muoziz an we av di ten Laa dem rait pan it. Siem taim laitnin did a flash, tonda staat ruol, wan ortkwiek lik an wan torbl staam kom, an aal ais staat jrap fram di skai.

Revilieshan 8:5

Den di ienjel tek di guol pan we uol di swiit spais we dem bon, ful it op wid faiya fram di alta, an fling it pan di ort. An som torbl tonda ruol, an laitnin flash, an di ort shiek op.

Revilieshan 6:1

Mi wach di Biebi Shiip brok di sevn chring dem wan wan. Wen im brok di fos chring, mi ier wan a di fuo sitn dem se iina wan vais we soun laik tonda, “Kum ya!”

Aks 9:7

Di man dem we did a chravl wid Saal tan op de bot dem did so shak, dem kudn se a wod. Dem ier di sumadi we did a taak tu Saal, bot dem neva si nobadi.