Jan 12:28 - Di Jamiekan Nyuu Testiment

²⁸ Faada, big op yuself an yu niem!” Den wan vais fram outa di skai se, “Mi big it op aredi, an mi gweehn big it op wan neda taim.”

Jan 12:28 ပူးပေါင်းရင်းမြစ်များ

Matyu 26:42

Im go we wan sekan taim go prie. Im se, “Mi Faada, ef dis a di onggl wie, an mi afi jringk fram da kop ya, den mi afi du wa yu waahn.”

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

2 Piita 1:17

Wi did de de wen Faada Gad imself ana Jiizas big taim, wen im ier di vais fram di riil big Wan — di wan we big an powaful. Di vais se, “Dis a fi mi pikni we mi lov an im mek mi wel api.”

Ifiijan 3:21

Mek evribadi we bilang tu Jiizas, priez Gad fi eva an eva. Iemen!

Ifiijan 3:10

Gad du aal a dis so dat, iina dem taim ya, di choch wuda shuo di spirit dem we ruul an we av nof powa iina di skai, ou Gad riili riili waiz.

Ifiijan 2:7

Gad du aal a dis ya, so dat iina di worl we a-go kom, im kyan shuo evribadi ou im lov wi iivn duo wi no dizorv it an kain tu aal a wi siek-a wa Krais Jiizas du fi wi.

Jan 18:11

Bot Jiizas se tu Piita se, “Put bak yu suod iina it kies! Mi no fi jringk outa di kop we mi Faada gi mi fi jringk outa? Mi no fi sofa?”

Jan 11:4

Wen Jiizas ier bout it, im se, “Nobadi naa go ded siek-a da siknis ya. It gweehn kaaz piipl fi big op Gad. An dem a-go big op di Man we Gad Pik siek-a it tu.”

Jan 9:3

“Da man ya neehn sin,” Jiizas se tu dem, “Im mada an faada neehn sin niida. Im baan blain so piipl kyan si Gad du som powaful sitn iina im laif.

Luuk 9:35

Den dem ier wan vais iina di kloud se, “Dis a mi bwai pikni, a im mi pik, unu fi lisn we im se.”

Luuk 3:22

an di Uoli Spirit kom dong pan Jiizas iina di shiep a wan dov. An wan vais fram evn se, “Yu a fi mi wan dege-dege bwai, mi lov yu an yu mek mi aat glad.”

Maak 14:36

Im se, “Faada, mi faada, notn no de we yu kyaahn du. Siev mi fram dem torbl sofarieshan ya! Bot ef a so yu waahn it fi go, aarait den.”

Maak 9:7

Den wan kloud kom dong kom kova dem op an dem ier sumadi vais iina di kloud se, “A fi mi Bwai Pikni dis. Unu fi lisn wa im se!”

Maak 1:11

An wan vais fram evn se, “Yu a fi mi wan dege-dege Bwai Pikni, mi lov yu an yu mek mi aat glad.”

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 11:26

Yes Faada, a dat yu did api fi du.