Jan 12:17 - Di Jamiekan Nyuu Testiment

¹⁷ So nou, di kroud a piipl we did de roun Jiizas wen im did kaal Lazaros outa di griev an mek im kom bak alaiv did a tel ada piipl bout wa did apm tu Lazaros.

Jan 12:17 ပူးပေါင်းရင်းမြစ်များ

Revilieshan 1:2

An Jan rait dong evriting wa im did si an ier. Im rait dong aal a di mesij dem we Gad sen im, an evriting we Jiizas Krais shuo im.

Aks 5:32

Wi a tel piipl bout dem sitn ya we wi nuo, an di Uoli Spirit we Gad gi tu aal uu du we im se, im a tel piipl bout dem sitn ya tu.”

Aks 1:22

fram wen Jan did staat baptaiz tu di taim wen Gad tek im op a evn, wi niid wan a dem man de fi jain op wid wi an tel piipl se Jiizas kom bak alaiv.”

Jan 19:35

Di sumadi we si dem sitn ya apm taak bout dem, so unu kyan biliiv iina Jiizas. (Wa im taak bout a chuu. A no lai. An im nuo se a chuu im a taak.)

Jan 12:9

Nou wan big kroud a Juu piipl fram Judiya ier se Jiizas did de de-so, so dem go de. Dem go, no onggl kaaz im did de de, bot so dat dem kuda si Lazaros, di wan we im did mek kom bak alaiv.

Jan 21:24

A dis a di falara we si di uol a dem sitn ya fi imself an tel piipl bout dem. A im rait dem dong an aal a wi nuo se a chuu im a taak.

Jan 11:42

Mi nuo se yu eva lisn tu mi, bot mi a se dem sitn ya fi di siek-a di kroud a piipl we de ya-so, so dat dem kyan biliiv se a yu sen mi kom.”

Jan 11:31

Wen di Juu dem fram Jeruusilem we did iina di ous a osh Mieri si ou shi get op faas an go we, dem fala baka ar, kaa dem did fiil se shi did a go a di griev go baal fi ar breda.

Jan 1:34

Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.”

Jan 1:32

Den Jan staat taak an tel di piipl dem se, “Mi si di Spirit kom dong outa evn jos laka wan dov, an it lan pan im.

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.