Jan 11:55 - Di Jamiekan Nyuu Testiment

⁵⁵ Wen a did nieli taim fi di Juu piipl dem Paasuova Alidie, uol iip a dem lef konchri an go op a Jeruusilem so dem kuda get demself kliin an redi fi di alidie.

Jan 11:55 ပူးပေါင်းရင်းမြစ်များ

Matyu 26:1

Wen Jiizas don se aal a dem sitn ya, im se tu im speshal falara dem se,

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Maak 14:1

A did tuu die bifuo di Paasuova alidie an di Festival we piipl nyam bred widout yiis. Di ed priis an di Laa tiicha dem did a chrai fain wan wie fi chrik Jiizas so dem kuda ares im an kil im.

Luuk 22:1

Di alidie we piipl nyam bred widout yiis an we did niem Paasuova, did suun kom

Jan 12:1

Siks die bifuo di Paasuova Alidie, Jiizas go a Betani, di plies we Lazaros, di wan we im did mek kom bak alaiv, did liv.

Jan 13:1

Nou a did jos bifuo di Paasuova Alidie, an Jiizas did nuo se di taim wen im wuda lef di worl an go we tu im Faada did kom. Im did lov dem we did a fi im iina di worl, an da taim ya im shuo dem ou im did riili riili lov dem.

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Jan 2:13

Nou, a did nieli taim fi di Paasuova alidie, so Jiizas go op a Jeruusilem.

Jan 2:6

Nou siks waata jaar we mek outa stuon did de de. Di Juu piipl dem kip waata iina dem fi wash an mek demself kliin, kaaz a dat fi dem Laa did se dem fi du. Wan a di jaar dem kuda uol bout twenti tu toti gyalan a waata.

Jan 5:1

Som taim afta dat, Jiizas go baka Jeruusilem fi wan neda Juu alidie.

Jan 6:4

(Nou, a did nieli taim fi di Juu dem Paasuova alidie.)

Aks 21:24

kyari dem wid yu go a Gad ous an pie di moni we dem fi pie fi get bak kliin, an yu wi get kliin tu. Afta dat dem kyan kot aaf dem ier. Da wie de evribadi wi nuo se wa dem se bout yu a no chuu. Dem wi si se yu liv laik ou di Laa se wi fi liv.

Aks 21:26

So di neks die, Paal tek di fuo man dem, an im an dem du wa di Laa se fi du fi get kliin iina Gad yai. Den im go a Gad ous an mek di liida dem nuo se im set di taim fi gi op sakrifais fi im an di man dem.

Aks 24:18

A dat mi did a du wen dem si mi iina Gad ous. Dat taim de mi did don du aal we mi did sopuoz fi du fi mek miself kliin iina Gad yai. Mi neva av no kroud wid mi, an mi neva du notn fi kaaz no chobl niida.

1 Korintiyan 11:28

Bifuo dem nyam di bred ar jringk fram di kop, evribadi mos luk pan demself an mek shuor se dem a tek paat fi di rait riizn.

Jiemz 4:8

Jraa nier Gad, an Gad wi jraa nier unu. Sina kliin op unu laif. An unu we kyaahn mek op unu main, kliin op fi unu aat tu.