Jan 11:47 - Di Jamiekan Nyuu Testiment

⁴⁷ Den di ed priis dem an di Farisii dem kaal wan miitn fi di liida dem. “Wa wi a du?” dem aks. “Kaa da man ya a wok som powaful mirikl.

Jan 11:47 ပူးပေါင်းရင်းမြစ်များ

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Matyu 5:22

Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

Maak 14:1

A did tuu die bifuo di Paasuova alidie an di Festival we piipl nyam bred widout yiis. Di ed priis an di Laa tiicha dem did a chrai fain wan wie fi chrik Jiizas so dem kuda ares im an kil im.

Luuk 22:2

an di ed priis an di Laa tiicha dem, did a chrai fain wan wie fi get rid a Jiizas anda di kwaiyat, kaaz dem did fried a di piipl dem.

Jan 11:57

(Nou, di ed priis dem an di Farisii dem did gi out aada se ef nobadi fain out we Jiizas de, dem fi tel dem so dem kyan get fi lak im op.)

Jan 12:19

So di Farisii dem se tu dem wan aneda se, “Unu si se unu kyaahn du wan ting. Ku de, di uol worl a ron aafa im!”

Jan 2:11

Nou, Jiizas wok uol iip a mirikl an da wan ya a did di fos wan outa aal a dem. Im did du it iina Kiena we de a Gyalalii. Da wie de, im shuo ou im big an powaful. An im falara dem biliiv iina im.

Jan 6:2

Wan big kroud a piipl fala baka im, kaa dem si di powaful mirikl dem im did a wok an mek sik piipl get beta.

Jan 7:32

Di Farisii dem ier di kroud a piipl a wispa dem sitn ya bout Jiizas. So di ed priis dem an di Farisii dem sen dem we gyaad Gad ous fi lak im op.

Jan 7:45

Wen dem we gyaad Gad ous go bak tu di ed priis dem an di Farisii dem, di ed priis dem an di Farisii dem aks dem se, “Wa mek unu no kyari im kom?”

Aks 5:21

Wen die lait dem go iina di yaad we Gad ous de, siem laik ou di ienjel did tel dem fi du, an staat tiich di piipl dem. Wen di liida fi di priis dem an im falara dem riich, im kaal tugeda aal a di Juu liida dem fi wan miitn. Den im sen som suoja tu di prizn fi kyari di apasl dem kom infronta dem.

Aks 5:24

Wen di ed gyaad fi Gad ous an di ed priis ier dem sitn de, dem shak, an staat wanda bout wa wuda kom out a aal a dis.