Jan 11:38 - Di Jamiekan Nyuu Testiment

³⁸ Wa Jiizas si toch im aat wan muo taim, an im go wich paat di griev did de. (Nou, di griev a did wan kiev wid wan stuon infronta it.)

Jan 11:38 ပူးပေါင်းရင်းမြစ်များ

Matyu 27:60

an put it iina wan nyuu tuum — dat a did fi im uona tuum we did iina di rak. Den im ruol wan big big stuon kraas infronta di tuum.

Matyu 27:66

So dem lef go we wid di suoja dem, an dem maak di stuon so dem wuda nuo ef nobadi muuv it.

Maak 15:46

Juozif bai som linin klaat, tek dong Jiizas badi aafa di kraas, rap im op iina di klaat an put im iina wan tuum we did dig iina wan rak. Den im ruol wan big stuon infronta di tuum.

Maak 8:12

So Jiizas gi out wan evi evi sai an se, “Wa mek di piipl iina da taim ya aalwiez a luk fi wan sain? Mi a tel unu di chuut, unu naa go get no sain.”

Luuk 24:2

Dem fain di stuon ruol we fram fronta di tuum.

Jan 11:33

Wen Jiizas si ar a ala an a baal, an si di Juu dem we did kom wid ar a baal tu, im aat muuv.

Jan 20:1

Orli Sonde maanin, di fos die a di wiik, wen it did stil daak, Mieri Magdaliin go a di tuum an si se di stuon we did a kova di fronta di tuum did ruol we.