Jan 11:33 - Di Jamiekan Nyuu Testiment

³³ Wen Jiizas si ar a ala an a baal, an si di Juu dem we did kom wid ar a baal tu, im aat muuv.

Jan 11:33 ပူးပေါင်းရင်းမြစ်များ

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Maak 9:19

Jiizas se tu dem se, “Unu piipl iina da taim ya! Unu no biliiv! Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

Jan 11:19

an nof a di Juu dem we kom fram Jeruusilem said did kom fi osh Maata an Mieri an mek dem fiil beta kaa dem breda did ded.)

Jan 11:31

Wen di Juu dem fram Jeruusilem we did iina di ous a osh Mieri si ou shi get op faas an go we, dem fala baka ar, kaa dem did fiil se shi did a go a di griev go baal fi ar breda.

Jan 11:34

“Wich paat unu put im?” Jiizas aks dem. “Kom, Laad, kom an si,” dem se tu im.

Jan 11:35

Jiizas baal.

Jan 11:38

Wa Jiizas si toch im aat wan muo taim, an im go wich paat di griev did de. (Nou, di griev a did wan kiev wid wan stuon infronta it.)

Jan 12:27

“Mi aat evi, rait ya nou. An wa mi fi se? ‘Faada, no mek mi go chuu da sofarieshan ya?’ Nuo! A fi da sed riizn ya mi kom iina di worl — fi go chuu di sofarieshan we a kom.

Jan 13:21

Wen Jiizas don se dis ya, im aat get evi an im se, “Fi chuu chuu mi a tel unu se, wan a unu gweehn sel mi out.”

Ruoman 12:15

Ef piipl api unu fi api wid dem, ef dem a baal unu fi baal wid dem tu.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.