Jan 11:28 - Di Jamiekan Nyuu Testiment

²⁸ Afta Maata se dis ya, shi go we go kaal Mieri ar sista wan said an tel ar se, “Di Tiicha de ya, an im a aks fi yu.”

Jan 11:28 ပူးပေါင်းရင်းမြစ်များ

Matyu 26:18

So Jiizas se, “Go tu suo-an-so iina di toun an tel im dis, ‘Di Tiicha se, “Mi taim suun kom. Mi a-go nyam di Paasuova fuud wid mi speshal falara dem a fi yu ous.”

Maak 10:49

So Jiizas tap an se, “Kaal im.” So dem kaal di blain man an tel im se, “Tek aat! Git op! Im a kaal yu.”

Maak 14:14

Wen im go iina wan ous, tel di uona fi di ous se, ‘Di tiicha se fi aks yu se: We di ges ruum de we mi kyan nyam di Paasuova fuud wid mi speshal falara dem?’

Luuk 22:11

an tel di uona se, ‘Di tiicha se fi aks yu se: We di ges ruum de, we mi kyan nyam di Paasuova fuud wid mi speshal falara dem?’

Jan 1:41

Di fos ting Anju du afta im miit Jiizas a fain im breda, Saiman, an tel im se, “Wi fain di Mesaiya” (Iina fi dem langwij dat miin Krais).

Jan 1:45

Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Jan 10:3

Di wan we wach uova di shiip giet uopm di giet fi di shepad, an di shiip dem ier di shepad vais. Di shepad kaal fi'im uona shiip dem bai dem niem an im liid dem out.

Jan 11:20

Nou, wen Maata ier se Jiizas did a kom, shi go fi miit im, bot Mieri tan baka di yaad.

Jan 11:29

Wen Mieri ier dis ya, shi get op faas faas an go wich paat Jiizas did de.

Jan 11:30

(Nou Jiizas neehn riich iina di toun yet; im did de a di siem plies wich paat Maata did miit im.)

Jan 13:13

Unu kaal mi ‘Tiicha’ an unu kaal mi ‘Laad,’ an unu rait, kaa mi a dat fi chuu.

Jan 20:16

Den Jiizas se tu ar se, “Mieri!” Shi ton fi fies im an baal out iina di Iibruu langwij, “Rabonai!” (dat miin “Tiicha”).

Jan 21:7

Den di falara we Jiizas did lov tel Piita se, “A di Laad!” Sed taim Saiman Piita ier dat de, im rap di likl kluoz we im did av aan roun im (kaa im neehn av aan notn anda it) an im jomp iina di waata.

1 Tesaluoniyan 5:11

So unu fi taak di sitn dem fi elp unu wan aneda get chrang, laik wa unu a du nou, an gwaan bil op unu wan aneda.

Iibruu 12:12

So lif op unu an dem we a jrap dong an mek unu wiik nii dem tan op chrang.