Jan 11:25 - Di Jamiekan Nyuu Testiment

²⁵ Den Jiizas se tu ar se, “Mi a di wan we mek piipl kom bak alaiv; a mi mek piipl liv. Enibadi we biliiv iina mi a-go liv, aal ef dem ded.

Jan 11:25 ပူးပေါင်းရင်းမြစ်များ

1 Tesaluoniyan 4:14

Wi biliiv se Jiizas ded an kom bak alaiv, so wi biliiv se Gad a-go mek evribadi we chos iina Jiizas kom bak alaiv wen Jiizas kom bak.

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 1:4

Im a di wan we mek evriting liv, an a im kyari lait kom gi piipl so dem kyan si.

Jan 5:21

Kaa, siem wie laka ou di Faada mek ded piipl kom bak alaiv, a siem wie so di Bwai Pikni gi laif tu enibadi im waahn gi'it tu.

Jan 6:44

“Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die.

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

Jan 6:35

Den Jiizas se tu dem se, “A mi a di bred we gi laif. Di sumadi we kom tu mi naa go onggri agen. Di sumadi we chos iina mi naa go torsti agen.

Revilieshan 21:4

Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”

Filipiyan 3:10

Aal mi kier bout a fi nuo Krais Jiizas, an dat di powa we mek im kom bak alaiv wi wok iina mi. Mi waahn fi kyan go chuu eniting we mi afi sofa fi du we Gad waahn mi fi du, siem laik ou Krais Jiizas go chuu we im did sofa fi du we Gad did waahn im fi du. An siem laik ou im ded fi di rait riizn, mi mek op mi main fi ded fi im tu,

Revilieshan 20:5

(Di res a di ded piipl dem neva kom bak alaiv til di touzn ier dem don.) Dis a di fos taim piipl a kom bak alaiv.

Aks 3:15

Unu kil di wan we gi piipl riil laif, bot Gad mek im kom bak alaiv. An wi si aal a dat wid wi uona yai.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 5:26

Kaa di Faada av di powa fi mek piipl liv, an im gi di Bwai Pikni di powa so dat im kyan mek piipl liv tu.

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Filipiyan 1:23

Mi no nuo wich wan fi pik. It komiin laik eniwe mi ton maka juk mi. Mi wuda waahn fi ded an go liv wid Krais Jiizas dan tan ya, kaaz dat wuda uol iip beta fi mi.

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.

2 Korintiyan 4:14

Kaaz wi nuo se siem laik ou Gad mek wi Laad Jiizas kom bak alaiv, im wi mek wi kom bak alaiv tu kaaz wi biliiv iina Jiizas. An Gad wi tek wi op wid unu an bring wi wich paat im de.

Ruoman 4:17

It aal rait dong iina Gad wod dat Gad tel Iebriyam se, “Mi a-go mek yu di faada fi nof difrant piipl fram aal uova di worl.” Da pramis ya, gud, siek-a uu Gad bi. Dis a di Gad we Iebriyam did biliiv iina, di Gad we mek ded piipl kom bak alaiv an we kaaz evriting fi de bout, aal di sitn dem we neva de bout bifuo.

Luuk 23:43

Jiizas se tu im se, “Mi a tel yu di chuut, tide yu a-go de wich paat mi de iina Paradais.”

1 Korintiyan 15:29

Nou, wa bout di piipl dem we go get baptaiz fi di piipl dem we ded an neva get fi baptaiz bifuo dem ded? Ef nobadi kyaahn kom bak alaiv wa dem a get baptaiz fa?

1 Korintiyan 15:18

Wos di piipl dem we biliiv iina Jiizas Krais an we ded aredi, dem gaan fi gud — Gad a ponish dem fi dem sin.

Jan 3:16

“Kaa, yu si, Gad lov di worl so moch dat im gi op im wan dege-dege Bwai Pikni, so enibadi we chos iina im naa go ded bot a-go liv fi eva.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.