Jan 11:19 - Di Jamiekan Nyuu Testiment

¹⁹ an nof a di Juu dem we kom fram Jeruusilem said did kom fi osh Maata an Mieri an mek dem fiil beta kaa dem breda did ded.)

Jan 11:19 ပူးပေါင်းရင်းမြစ်များ

Luuk 10:39

Nou, Maata did av wan sista niem Mieri. Fram Jiizas riich a di ous, Mieri go sidong a im fut an no muuv. Shi sidong a lisn aal we im av fi se.

Luuk 10:42

bot a onggl wan sitn yu fi bada yuself bout. Mieri mek op ar main fi pik da wan de an nobadi naa go tap ar.”

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 11:1

Nou, yu did av wan sik man niem Lazaros. Lazaros did liv a Betani, di sed plies Mieri an ar sista, Maata, did liv.

Jan 11:31

Wen di Juu dem fram Jeruusilem we did iina di ous a osh Mieri si ou shi get op faas an go we, dem fala baka ar, kaa dem did fiil se shi did a go a di griev go baal fi ar breda.

Jan 11:33

Wen Jiizas si ar a ala an a baal, an si di Juu dem we did kom wid ar a baal tu, im aat muuv.

Jan 11:36

Den di Juu dem se, “Ku de, unu si umoch im did lov im!”

Jan 11:45

So nou, nof a di Juu dem we did kom luk fi Mieri biliiv iina Jiizas wen dem si we im du.

Jan 11:8

“Bot Tiicha,” dem se, “no jos di ada die di Juu dem did a chrai fi stuon yu kil yu, an yu a go bak de?”

Ruoman 12:15

Ef piipl api unu fi api wid dem, ef dem a baal unu fi baal wid dem tu.

2 Korintiyan 1:4

Wen wi a go chuu aal kain-a kraasiz an sofarieshan, a im kom elp wi an push wi fi gwaan tan chrang. Im du dat so wi kyan ton roun an elp ada piipl we a go chuu sofarieshan, no mata wa kain-a chobl dem av, an elp dem siem laik ou im elp wi.

1 Tesaluoniyan 4:18

So, yuuz dem wod ya elp unu wan aneda, so unu aat wi no evi dong.

1 Tesaluoniyan 5:11

So unu fi taak di sitn dem fi elp unu wan aneda get chrang, laik wa unu a du nou, an gwaan bil op unu wan aneda.