Jan 10:38 - Di Jamiekan Nyuu Testiment

³⁸ Bot ef mi du wa im tel mi fi du, duo unu no biliiv mi siek-a wa mi tel unu, at liis biliiv mi siek-a di mirikl dem we mi du, so dat unu kyan nuo an andastan se di Faada iina mi, an mi iina di Faada.”

Jan 10:38 ပူးပေါင်းရင်းမြစ်များ

Jan 10:25

So Jiizas se tu dem se, “Mi tel unu aredi, bot unu no biliiv. Di sopm dem we mi du kaa mi Faada tel mi fi du dem, dem shuo unu uu mi bi.

Jan 10:30

Mi an di Faada a wan an di siem.”

Jan 11:4

Wen Jiizas ier bout it, im se, “Nobadi naa go ded siek-a da siknis ya. It gweehn kaaz piipl fi big op Gad. An dem a-go big op di Man we Gad Pik siek-a it tu.”

Jan 14:20

Wen da die de kom, unu a-go si se mi liv iina mi Faada, dat unu liv iina mi an dat mi liv iina unu.

Jan 17:11

“Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Jan 5:36

“Bot sitn els de de we shuo uu mi bi an it wot muo dan we Jan se bout mi. A di sopm dem we mi Faada gi mi fi du — di siem wan dem we mi a du nou — a dem shuo se a di Faada sen mi kom.

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

1 Jan 3:24

Aal uu du we Gad se dem fi du dem kluos wid Gad an Gad kluos wid dem. An a di Spirit we Gad gi wi mek wi nuo fi shuor se Gad kluos wid wi.