Jan 10:27 - Di Jamiekan Nyuu Testiment

²⁷ Fi mi shiip dem lisn tu we mi se. Mi nuo dem, an dem fala baka mi.

Jan 10:27 ပူးပေါင်းရင်းမြစ်များ

Matyu 16:24

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Matyu 25:12

“Bot im ansa bak, ‘Ier mi no, an a chuu mi a taak, mi no iivn nuo unu!’

Matyu 7:23

Bot a gweehn se tu dem se, ‘Mi no nuo yu non at aal. Gwe fram ya-so! Aal unu du a brok Gad Laa!’

Maak 10:21

Jiizas luk pan im an lov im, an se tu im se, “A onggl wan sitn yu shaat a. Go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Maak 8:34

Den Jiizas kaal di kroud a piipl an im falara dem an se tu dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas, an fala mi.

Luuk 13:27

Im wi se, ‘Mi no nuo unu an mi no nuo we unu kom fram. Gu we fram mi, unu uol wikid unu.’

Luuk 9:23

Den Jiizas se tu aal a dem se: “Ef sumadi waahn fi ton wan a fi mi falara dem, dem afi figet bout wa dem waahn, tek op dem kraas evridie an fala mi.

Jan 10:14

Mi a di gud shepad. Mi nuo mi uona shiip dem an mi shiip dem nuo mi

Jan 10:16

Mi av ada shiip we no iina da shiip pen ya. Mi afi kyari dem iina di pen tu. Dem a-go lisn tu mi vais tu, so den, yu a-go av onggl wan gruup a shiip an onggl wan shepad.

Jan 10:8

Enibadi els we kom bifuo mi a tiif an raba, bot di shiip dem neva lisn tu dem.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 21:22

Jiizas se tu im se, “Ef mi waahn im fi liv til mi kom bak, wa mek dat a bada yu? Yu jos fala mi.”

Jan 5:25

“Mi a tel unu fi chuu chuu, di die an taim a kom — matarafak, it de ya aredi — wen ded piipl gweehn ier Gad Bwai Pikni vais an di wan dem we ier an du wa im se gweehn liv fi eva.

Jan 8:12

Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

Jan 8:43

Wa mek unu no andastan wa mi a se? A chuu unu kyaahn riili si chuu wa mi a tel unu se.

Aks 3:23

Gad a-go ton im bak pan enibadi we no lisn an we no du we da prafit de se, an dem naa go bi paat a im piipl no muor.’

1 Korintiyan 8:3

Bot ef sumadi lov Gad, Gad nuo dem.

Gyalieshan 4:9

Bot nou unu an Gad kluos — mi riili shuda se nou Gad mek it so unu an im kyan kluos — ou unu kyan ton unu bak pan im an a go bak go fala di wiik spirit dem we a ruul di worl an we naa no powa? Unu waahn go bak go ton dem sliev agen?

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

Iibruu 3:7

So den, jos laik wa di Uoli Spirit se, “Ef unu ier im vais tide,

Revilieshan 14:4

Dem man ya neva sliip wid no uman — dem neva av seks. Dem fala did Biebi Shiip evriwe im go. Dem did get siev fram mongks di piipl dem we de pan di ort, so dem bilang tu Gad an di Biebi Shiip. Dem komiin laik di fos paat a di sitn we sumadi gi Gad fram dem faam.

Revilieshan 3:20

Lisn mi! Mi tan op rait a di duor an a nak. Ef enibadi ier mi a kaal an uopm di duor, mi wi kom iina im ous an mi an im wi nyam an jringk tugeda.