Jan 10:20 - Di Jamiekan Nyuu Testiment

²⁰ Nof a dem se, “Im av wan diiman iina im an im tif stuon mad. Wa unu a lisn tu im fa?”

Jan 10:20 ပူးပေါင်းရင်းမြစ်များ

Matyu 10:25

Fi di falara kom ton laik im tiicha — di falara no waahn muo dan dat, an fi di sliev kom ton jos laik im maasta, di sliev sopuoz fi aarait wid dat. Ef piipl kaal di ed fi di ous ‘Belzibul, di diiman ruula,’ a wich wosa niem dem a-go kaal di res a im fambili dem?

Matyu 11:18

Kaaz Jan di Baptis neva kom a nyam an a jringk, bot dem se, ‘Diiman iina im.’

Matyu 9:34

Bot di Farisii dem se, “A di liida fi diiman gi im powa fi ron out diiman.”

Maak 3:21

Wen im fambili ier dis, dem go fi im fi go tek chaaj a im, kaaz dem se, “Im a luuz im ed.”

Jan 7:20

Di kroud a piipl dem den se tu im se, “Yu av diiman iina yu! A uu a chrai kil yu?”

Jan 8:52

Wen di Juu piipl dem fram Jeruusilem ier dis ya, ier dem, “A nou wi nuo se yu av diiman iina yu! Iebriyam an di prafit dem ded, an yu a se, ‘Enibadi we du wa mi tiich naa go ded’!

Aks 26:24

Wail Paal did a taak, Festos kaal out pan tap a im vais, “Paal, yu mad. Yu ed a tek yu! Yu lorn tu moch an yu ed a tek yu nou!”