Jan 10:16 - Di Jamiekan Nyuu Testiment

¹⁶ Mi av ada shiip we no iina da shiip pen ya. Mi afi kyari dem iina di pen tu. Dem a-go lisn tu mi vais tu, so den, yu a-go av onggl wan gruup a shiip an onggl wan shepad.

Jan 10:16 ပူးပေါင်းရင်းမြစ်များ

1 Piita 2:25

Kaaz unu did a chrie laik laas shiip, bot nou Gad bring unu bak fi tek kier a unu, jos laik ou di shepad tek kier a im shiip dem. An im bring unu bak fi wach uova unu an fi mek shuor se unu aarait.

Jan 11:52

Bot no fi dem wan, bot fi mek aal a Gad pikni dem we skyata skyata aal uova di plies kom tugeda iina wan.)

Jan 6:37

Evribadi we di Faada gi mi a-go kom tu mi, an mi naa go ron dem.

Jan 10:27

Fi mi shiip dem lisn tu we mi se. Mi nuo dem, an dem fala baka mi.

Jan 10:11

“Mi a di gud shepad. Di gud shepad wi gi op im laif fi di shiip dem.

Revilieshan 3:20

Lisn mi! Mi tan op rait a di duor an a nak. Ef enibadi ier mi a kaal an uopm di duor, mi wi kom iina im ous an mi an im wi nyam an jringk tugeda.

1 Piita 2:10

Wan taim unu a neva Gad piipl bot nou unu a fi im uon. Im neehn yuus tu av piti pan unu bot nou im gud an kain tu unu.

2 Tesaluoniyan 2:13

Bot breda an sista, wi afi gi Gad tangks fi unu aal di wail. Di Laad lov unu an so im pik unu an kaal unu fi get siev fram iivn bifuo im mek di worl. Di Spirit kliin unu op fi Gad, an unu biliiv iina di chuut tu, so unu get siev.

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Aks 22:14

“Den im se tu mi se, ‘Di Gad we wi faada faada dem worship pik yu fi nuo wa im plan fi du, fi si im sorvant we aalwiez du wa im waahn im fi du an fi ier da wan de taak tu yu imself.

Aks 18:10

kaaz mi de ya wid yu, an nobadi kyaahn du notn fi ort yu, kaaz mi av nof piipl iina da siti ya.”

Aks 15:14

Simiyan jos tel wi ou Gad shuo se im kier fi di piipl we a no Juu wen im tek som a dem fi bi im uona piipl.

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Jan 10:2

Di wan we go iina di pen chuu di giet, a im a di shiip dem shepad.

1 Piita 5:4

An wen di Ed Shepad kom bak, unu wi get wan shaini kroun we naa go fied out.

Jan 10:3

Di wan we wach uova di shiip giet uopm di giet fi di shepad, an di shiip dem ier di shepad vais. Di shepad kaal fi'im uona shiip dem bai dem niem an im liid dem out.

Jan 10:4

Wen im tek out aal a fi'im shiip, im go infronta dem, an di shiip dem fala im kaa dem pik op im vais.

Jan 10:5

Dem naa go fala baka chrienja. Dem ron we fram im kaa dem no pik op chrienja vais.”

Jan 17:20

“Mi naa prie fi dem falara ya wan. Mi a prie fi dem we a-go biliiv iina mi wen dem ier wa dem falara ya se.

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

Luuk 15:8

“Ar sopuoz wan uman av ten silva kain an laas wan. Shi naa go lait lamp, swiip out di uol a di ous, an luk evriwe til shi fain it?