Jan 10:12 - Di Jamiekan Nyuu Testiment

¹² Di sumadi we a get pie fi luk aafa dem a no di shepad. Dem no uon di shiip dem. So wen taim da sumadi de si wulf a kom, im ron go we lef di shiip dem. Den di wulf kom op pan di shiip dem an mek dem skyata.

Jan 10:12 ပူးပေါင်းရင်းမြစ်များ

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

Matyu 7:15

“Wach out fi faalz prafit tu. Dem kom tu unu a gwaan laik dem a shiip, bot iina dem aat dem a laik wikid wail wulf.

Jan 10:13

Di sumadi we get pie fi luk aafa di shiip dem ron we kaaz im onggl bizniz bout di moni. Im no kieta bout di shiip dem.

Jan 10:2

Di wan we go iina di pen chuu di giet, a im a di shiip dem shepad.

Jan 10:3

Di wan we wach uova di shiip giet uopm di giet fi di shepad, an di shiip dem ier di shepad vais. Di shepad kaal fi'im uona shiip dem bai dem niem an im liid dem out.

Aks 20:29

Mi nuo se afta mi lef som man a-go kom mongks unu we komiin laik som torbl wail animal an dem a-go kom mash op di choch.

1 Timoti 3:3

Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.

1 Timoti 3:8

Siem laik di elda, di diikan dem fi bi sumadi we piipl rispek. Dem no fi tel wan sumadi sitn an go tel sumadi els sitn difrant, dem no fi lov jringk tu moch an dem no fi waahn waahn moni.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

1 Piita 5:2

tek kier a di shiip dem we Gad gi unu, an no du it kaaz nobadi a fuos unu fi du it bot kaaz unu waahn fi du it. A so Gad waahn it fi go. No du it kaaz unu waahn moni niida bot du it kaaz unu riili waahn fi elp dem.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!