Jan 1:49 - Di Jamiekan Nyuu Testiment

⁴⁹ Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”

Jan 1:49 ပူးပေါင်းရင်းမြစ်များ

Matyu 14:33

Den di wan dem we did de iina di buot go dong pan dem nii an priez Jiizas a se, “Fi riil, yu a Gad pikni!”

Matyu 2:2

“We di pikni de we baan di ada die, we fi kom ton king fi di Juu piipl dem? Wi si im staar iina di Iis, we shuo se im baan, an wi kom fi shuo im nof rispek.”

Matyu 21:5

“Tel di piipl dem we kom fram Zaiyan se, ‘Luk ya, unu king a kom tu unu, im a kom jengkl an ombl, a sidong pan wan big dangki, an pan wan yong dangki tu — dat a di mada dangki biebi.’”

Matyu 23:7

Dem lov wen piipl gi dem speshal oudi wen dem go a maakit, an wen dem kaal dem, ‘Tiicha’.

Matyu 23:8

“Bot nobadi no fi kaal unu, ‘tiicha,’ kaa a onggl wan Tiicha de bout, plos di uol a unu a breda an sista; nobadi no aiya dan nobadi.

Matyu 27:11

Nou Jiizas tan op infronta di govana, an di govana aks im se, “Yu a di Juu dem king?” Jiizas se, “A yu se so.”

Matyu 27:42

“Im siev ada piipl, bot im kyaahn siev imself! Im a di King fi Izrel? A wa kain-a king im bi? Im a Izrel king! Mek im kom dong aafa di kraas nou an wi wi biliiv wa im se.

Matyu 4:3

A da taim de di devl, we eva a chrai mek piipl du rang, kom se tu im se, “Ef yu a Gad Bwai Pikni, tel dem rakstuon ya fi ton bred.”

Maak 15:32

Mek di Krais, di wan we se im a Izrel king, kom dong aafa di kraas nou mek wi si an wi wi biliiv im!” An di tuu we dem did niel pan di kraas wid im kos im out tu.

Luuk 1:35

Di ienjel ansa ar se, “Di Uoli Spirit a-go kom tu yu an di powa a di Muos Ai a-go toch yu. Im a-go bi Gad uoli pikni.

Luuk 19:38

Dem se, “Gad bles di King we im sen kom! Im sen im wid fi'im powa!” “Mek piis ruul iina evn, an priez tu Gad we liv iina evn.”

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 1:34

Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.”

Jan 1:38

Wen Jiizas ton roun an si dem, im aks dem se, “A wa unu waahn?” So dem ansa im an se, “Rabai, we yu liv?” (Rabai iina fi dem langwij miin Tiicha.)

Jan 1:50

So Jiizas se tu im se, “Yu biliiv iina mi kaa mi tel yu se mi did si yu anda di fig chrii? Yu gweehn si biga sitn dan dat.”

Jan 18:37

“So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Jan 4:31

Sed taim dat did a gwaan, Jiizas falara dem did a beg im fi nyam sitn. Dem se tu im se, “Tiicha, nyam sitn no!”