Jan 1:45 - Di Jamiekan Nyuu Testiment

⁴⁵ Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”

Jan 1:45 ပူးပေါင်းရင်းမြစ်များ

Matyu 10:3

Den yu did av Filip, Bartalimyuu, Tamas, Matyu — di taks kalekta, Jiemz — Alfiyos pikni, an Tadiyos.

Matyu 13:55

“Wiet! No di kyaapinta bwai dis? No Mieri im mada niem? An im breda dem a no Jiemz, Juozif, Saiman an Juudas?

Matyu 2:23

Im kom a wan toun niem Nazaret an tan de-so. A so kom wa di prafit dem did se kom chuu. Azkaadn tu di prafit dem, dem a-go kaal Jiizas wan Nazariin man.

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”

Maak 14:67

Wen shi si im a waam imself a di faiya-said, shi luk pan im gud gud an se, “Yu did de mongks Jiizas we kom fram Nazaret.”

Maak 6:3

A uu im, no di kyaapinta dis? No Mieri bwai? An wi no nuo im breda dem: Jiemz, Juozif, Juudas an Saiman? An im sista dem no liv ya wid wi?” An so dem did beks an neehn waahn diil wid Jiizas non at aal.

Luuk 18:37

Dem tel im se, “A Jiizas we kom fram Nazaret a kom.”

Luuk 2:4

So kaaz Juozif did kom fram Dievid fambili an Dievid did baan iina Judiya, im did afi lef fram Nazaret iina Gyalalii an go a Betliyem iina Judiya.

Luuk 2:48

Wen Jiizas mada an faada si im, dem shak. Im mada se tu im se, “Si ya! Bwai, mek yu du wi so? Mi an yu faada did a luk fi yu ou lang!”

Luuk 24:27

Jiizas eksplien tu dem aal a di sitn dem we did rait dong bout im, fram wa Muoziz did se tu aal a wa di ada prafit dem did se.

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Luuk 3:23

Nou, Jiizas did bout toti wen im staat priich. Piipl did tingk se Jiizas a fi Juozif bwai. Juozif a did Eli pikni,

Luuk 4:22

Evribadi taak gud bout im an dem fraitn fi ier di nais sitn dem we im se. “Wiet! No Juozif bwai dis?” dem se.

Jan 1:44

Filip did kom fram wan toun niem Betsieda, di sed plies Anju an Piita kom fram.

Jan 12:21

Dem go tu Filip, we did kom fram Betsieda iina Gyalalii, an dem se tu im se, “Wi wuda laik ef wi kuda si Jiizas, sar.”

Jan 14:8

Filip se, “Laad, mek wi si di Faada an wi wi satisfai wid dat.”

Jan 18:5

“Jiizas we kom fram Nazaret,” dem se. “A mi dat,” Jiizas se tu dem. (Nou Juudas, di wan we sel im out did a tan op de wid dem.)

Jan 18:7

Den Jiizas aks dem wan neda taim se, “A uu unu a luk fa?” An dem se agen se, “Wi a luk fi Jiizas we kom fram Nazaret.”

Jan 19:19

Pailat mek dem rait wan sain put uova im ed we riid se: “JIIZAS WE KOM FRAM NAZARET, DI JUU DEM KING.”

Jan 21:2

Saiman Piita, Tamas (we dem kaal Didimos), Nataniyel (we kom fram Kiena iina Gyalalii), Zebidii bwai pikni dem, an tuu a Jiizas ada falara dem did de tugeda.

Jan 6:42

Dem se tu dem wan aneda se, “A no Jiizas, Juozif bwai pikni, dis ya? A no fi'im mada an faada wi nuo? So ou den im a taak bout se, ‘Mi kom dong fram outa evn’?”

Jan 6:5

Wen Jiizas luk roun an si di big kroud a piipl we did a kom tu im, im se tu Filip, “Wich paat wi kyan bai fuud fi gi dem piipl ya?”

Jan 6:7

Filip ansa im an se, “No iivn iet mont wot a pie wuda inof fi bai fuud fi mek non a dem piipl ya get iivn wan likl tups a fuud.”

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

Aks 22:8

“So mi aks, ‘A uu yu, Sa?’ Im se tu mi se, ‘Mi a Jiizas di Nazariin we yu a mek sofa.’

Aks 26:9

“A siem so mi did biliiv se mi did afi du evriting we mi kuda du fi ort Jiizas we kom fram Nazaret.

Aks 3:6

Den Piita se tu im, “Mi no av no moni at aal kyan gi yu. Bot wa mi av mi a-go gi yu. Iina Jiizas Krais niem, di wan we kom fram Nazaret, git op an waak.”