Jan 1:42 - Di Jamiekan Nyuu Testiment

⁴² An im kyari Saiman go wich paat Jiizas did de. Wen Jiizas si Saiman, im luk pan im an se, “Yu a Saiman, Jan bwai pikni. Fram nou aan, yu niem Siifas” (iina fi dem langwij, dat de a di niem fi Piita).

Jan 1:42 ပူးပေါင်းရင်းမြစ်များ

Matyu 10:2

Nou dis a wa Jiizas twelv apasl dem niem: Saiman, we dem kaal Piita an Saiman breda we niem Anju, plos Jiemz an Jan — Zebidii tuu bwai dem.

Maak 3:16

Di twelv we im pik a did Saiman we im kaal Piita,

Luuk 5:8

Wen taim Saiman Piita si aal a dis, im jrap dong a Jiizas fut an se, “Kip we fram mi Laad kaaz mi a wan man we du nof rang!”

Luuk 6:14

Im di pik: Saiman (we Jiizas kaal Piita), im breda Anju, Jiemz an Jan, Filip, Bartalimyuu,

Jan 13:18

“Wa mi a se a no bout aal a unu. Mi don nuo wich wan a unu mi pik aredi. Bot wa Gad wod se afi kom chuu. It se dat, ‘Di sumadi we nyam fi mi uona bred ton gens mi.’

Jan 21:2

Saiman Piita, Tamas (we dem kaal Didimos), Nataniyel (we kom fram Kiena iina Gyalalii), Zebidii bwai pikni dem, an tuu a Jiizas ada falara dem did de tugeda.

Jan 4:16

So Jiizas tel ar se, “Gwaan go kaal yu ozban an kom bak.”

1 Korintiyan 1:12

Unu nuo wa mi a taak bout. Som a unu a se, “Mi a fala Paal.” Wan neda gruup a se, “Mi a fala Apalos.” Wan neks gruup a se, “Mi a fala Siifas” an wan neda gruup a se, “Mi a fala Krais.”

1 Korintiyan 15:5

An wen im kom bak alaiv im go an mek Siifas si im an den im twelv falara dem si im.

1 Korintiyan 3:22

Gad sen aal a wi: Paal, Apalos an Siifas fi elp unu. Evriting we de iina di worl, Gad mek fi unu. Wa apm wen unu a liv an wa apm wen unu ded, Gad mek it so evriting wok out gud fi unu. Aal di sitn dem we apm nou an aal a di sitn dem we a-go apm — apm fi elp unu. Evriting bilang tu unu.

1 Korintiyan 9:5

Wi no av di rait fi tek uman we biliiv iina Gad an mek dem wi waif, an kyari dem roun wid wi, jos laik di ada apasl dem, di Laad breda an Siifas?

Gyalieshan 1:18

A chrii ier afta dat mi go a Jeruusilem go si Siifas an mi spen fiftiin die wid im.

Gyalieshan 2:11

Bot lieta wen Siifas did kom a Antiyak mi go gens im an tel im tu im fies se wa im did a du did rang.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.