Jan 1:39 - Di Jamiekan Nyuu Testiment

³⁹ “Kom,” Jiizas se, “unu kom, an unu wi si wich paat mi stie” (a did bout fuo aklak iina di iivnin). So dem go an si wich paat im did a liv an dem tan a im yaad fi di res a di die.

Jan 1:39 ပူးပေါင်းရင်းမြစ်များ

Luuk 24:29

Bot dem beg im, “Luk di die aalmuos don, an nait a kom, so tan wid wi.” So Jiizas tan wid dem.

Jan 1:38

Wen Jiizas ton roun an si dem, im aks dem se, “A wa unu waahn?” So dem ansa im an se, “Rabai, we yu liv?” (Rabai iina fi dem langwij miin Tiicha.)

Jan 1:40

Saiman Piita did av wan breda niem Anju. Nou, Anju a did wan a Jan tuu falara dem we did fala Jiizas afta dem ier wa Jan did se bout im.

Jan 1:46

Bot Nataniyel se tu Filip se, “Nazaret? Notn gud kyan kom outa dat de plies de?” So Filip se tu im se, “Kom kom si fi yuself.”

Jan 4:40

So, wen dem fain Jiizas, dem beg an beg im fi no lef bot fi tan de wid dem. So im tan de wid dem tuu muo die,

Jan 6:37

Evribadi we di Faada gi mi a-go kom tu mi, an mi naa go ron dem.

Revilieshan 3:20

Lisn mi! Mi tan op rait a di duor an a nak. Ef enibadi ier mi a kaal an uopm di duor, mi wi kom iina im ous an mi an im wi nyam an jringk tugeda.