Jan 1:31 - Di Jamiekan Nyuu Testiment

³¹ Mi neehn nuo a uu da sumadi de wuda bi. Mi onggl kom ya a baptaiz piipl, so dat dem we iina Izrel kuda get fi si an nuo a uu im.”

Jan 1:31 ပူးပေါင်းရင်းမြစ်များ

Matyu 3:13

Den Jiizas kom fram Gyalalii fi Jan baptaiz im iina Jaadn Riva.

Matyu 3:6

an wen dem taak infronta evribadi bout aal a di rang sitn we dem du, an ou dem sari se dem du dem sitn de, im baptaiz dem iina di Jaadn Riva.

Luuk 1:17

Im a-go go bifuo Gad, wid di siem Spirit an powa laik wa Ilaija did av. Im aal a-go mek faada kom bak kom lov dem pikni. An di piipl dem we neva did a ier Gad, a-go staat tingk laik gud sumadi an du wa rait. An da wie de im a-go mek piipl redi fi di Laad.”

Jan 1:30

A im sed wan mi did a taak bout wen unu did ier mi se, ‘Wan man a kom afta mi, im wie biga an beta dan mi, kaa im did de bout fram wie bifuo mi baan.’

Jan 1:32

Den Jan staat taak an tel di piipl dem se, “Mi si di Spirit kom dong outa evn jos laka wan dov, an it lan pan im.

Jan 1:33

Az mi did se, mi neehn nuo uu di sumadi wuda did bi. Bot, yu si di wan we sen mi fi baptaiz piipl, im did tel mi se, ‘Di sumadi we yu baptaiz an we yu si di Spirit kom dong an lan pan, a im a di wan we gweehn baptaiz piipl iina di Uoli Spirit.’

Jan 1:7

Gad did sen Jan fi tel piipl bout di wan we a di lait, so dem kuda biliiv we Jan se.

Aks 19:4

Paal se, “Jan baptaiz piipl we ton we fram dem sin an shuo se dem sari fi wa dem du. An im tel di Izrel piipl fi biliiv iina di wan we did fi kom afta im, dat a Jiizas.”