Jan 1:19 - Di Jamiekan Nyuu Testiment

¹⁹ Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 1:19 ပူးပေါင်းရင်းမြစ်များ

Jan 1:7

Gad did sen Jan fi tel piipl bout di wan we a di lait, so dem kuda biliiv we Jan se.

Jan 10:24

Di Juu liida dem bongl roun im an se, “Ou lang yu plan fi kip tingz fram wi an av wi a wanda? Ef yu a di Krais, jos se it plien an chriet.”

Jan 10:31

So di Juu liida dem pik op rakstuon fi stuon im wan neda taim,

Jan 11:19

an nof a di Juu dem we kom fram Jeruusilem said did kom fi osh Maata an Mieri an mek dem fiil beta kaa dem breda did ded.)

Jan 2:18

So di Juu liida dem aks im se, “Wa kain-a mirikl yu kyan wok fi wi? Wa kain-a sain yu kyan gi fi shuo wi se yu av di rait fi du aal a dem sitn ya?”

Jan 2:20

Dem ansa im bak an se, “A faati-siks ier it tek fi mek da ous ya, an yu gweehn bil it op bak iina onggl chrii die?”

Jan 5:10

So di Juu liida dem se tu di man we Jiizas mek get beta, “Tide a di Sabat, yu nuo, an di Laa no lou yu fi kyari yu mat pan da die ya.”

Jan 5:15

Wel, di man lef go we go tel di Juu liida dem se a Jiizas did mek im get beta.

Jan 5:16

An di Juu liida dem did staat fi mek laif aad fi Jiizas, kaaz im did a du dem sitn ya pan di Sabat.

Jan 5:18

Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Jan 6:41

Di Juu piipl dem nou staat grombl chuu im se, “Mi a di fuud we kom fram outa evn.”

Jan 6:52

Den di Juu dem staat kos an galang mongks dem wan aneda siek-a wa im se. Ier dem, “A ou da man ya kyan a gi wi im badi fi nyam?”

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Jan 7:11

Nou, di Juu liida dem we did de de did a luk out fi im an did a aks, “A wich paat im de?”

Jan 7:15

Di Juu liida dem shak wen dem si ou im tiich, so dem aks, “A ou da man ya nuo so moch an im neehn go a skuul?”

Jan 8:22

Wa im se mek di Juu liida dem staat aks, “A kil im gweehn kil imself, mek im a se ‘We paat mi a go unu kyaahn kom’?”

Jan 8:48

Di Juu piipl dem fram Jeruusilem ansa im se, “No chuut wi a taak wen wi se yu a wan Samaritan an yu av diiman iina yu?”

Jan 8:52

Wen di Juu piipl dem fram Jeruusilem ier dis ya, ier dem, “A nou wi nuo se yu av diiman iina yu! Iebriyam an di prafit dem ded, an yu a se, ‘Enibadi we du wa mi tiich naa go ded’!

Jan 8:57

“Yu no iivn riich fifti yet,” di Juu dem se tu im, “an yu a taak bout yu si Iebriyam!”

Aks 13:25

Wen Jan did suun don di wok we Gad gi im fi du im se tu di piipl dem se, ‘Unu tingk se mi a di wan we fi kom, bot mi a no im. Nuo! Bot di wan we fi kom suun kom, an mi no iivn gud inof fi tek aaf im slipaz aafa im fut.’

Aks 19:4

Paal se, “Jan baptaiz piipl we ton we fram dem sin an shuo se dem sari fi wa dem du. An im tel di Izrel piipl fi biliiv iina di wan we did fi kom afta im, dat a Jiizas.”

1 Jan 1:5

Wi a tel unu di siem mesij we wi ier fram Jiizas Krais. Im tel wi se Gad eva du wa rait kaaz Gad a lait. Gad kyaahn du notn rang kaaz notn no iina im we kuda mek im du rang. Dat miin se no daaknis no iina im.