Iibruu 9:4 - Di Jamiekan Nyuu Testiment

⁴ Iin de-so yu av di alta we mek outa guol. De-so dem bon wan spais we sumel swiit. Yu did av di baks tu, we tan fi di pramis we Gad mek, dat did kova aal uova iina guol. Da baks de av iin di jog we did uol mana, we Gad did gi dem fi nyam. Ieran waakn tik we liif did gruo pan did iin de tu. An di tuu stuon dem we Gad ruul did rait op pan did iin de wid di res a sitn dem.

Iibruu 9:4 ပူးပေါင်းရင်းမြစ်များ

Revilieshan 11:19

Den Gad ous iina evn uopm op. An mi si iina Gad ous di likl wud baks we kip di tuu stuon buk dem we Gad did gi Muoziz an we av di ten Laa dem rait pan it. Siem taim laitnin did a flash, tonda staat ruol, wan ortkwiek lik an wan torbl staam kom, an aal ais staat jrap fram di skai.

Revilieshan 8:3

Den mi si wan neda ienjel wid wan guol pan iina im an we av wan anggl. Im kom tan op infronta di alta an sumadi gi im wan uol iip a swiit spais fi bon mek sakrifais. Im did fi put it wid Gad piipl dem prieya an bon it pan di guol alta we de infronta di chuon.