Iibruu 9:28 - Di Jamiekan Nyuu Testiment

²⁸ wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

Iibruu 9:28 ပူးပေါင်းရင်းမြစ်များ

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Matyu 26:28

Kaaz dis a mi blod. A da blod ya yuuz fi set op di nyuu plan we Gad mek wid unu. A da blod ya ron fi evribadi, so dem kyan get paadn fi dem sin.

Jan 14:3

An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.

Aks 1:11

an se tu dem se, “Unu man we kom fram Gyalalii, wa mek unu tan op ya-so wid unu yai faasn pan di skai? Da siem Jiizas ya we unu si get tek op fram unu iina evn, im a-go kom bak di siem wie, jos laik ou unu si im go op iina evn.”

Ruoman 3:25

Gad sen Jiizas fi gi op im laif an siev wi. Wen Jiizas ded pan di kraas, fi im blod pie fi wi sin dem an so wi no afi get ponish. Aal wi afi du fi get wi sin dem paadn, a biliiv iina Jiizas. Wen Gad sen Jiizas im shuo se im no paashal — im chriit evribadi siem wie, kaaz bifuo Jiizas did kom, im neva ponish nobadi fi dem sin, im tek taim wid dem.

Ruoman 5:15

bot di tuu a dem did stil difrant. Adam sin an aal we apm siek-a da sin de difrant fram di gif we Gad did gi wi. Wa Adam did du kaaz sin fi kom iina di worl, an sin kaaz nof piipl fi ded. Di gif we Gad gi, moch moch biga dan dat an it riich nof muor piipl. Iivn duo wi neva dizorv it, Gad sen Jiizas fi ded fi wi sin dem so dat im kuda put tingz rait bitwiin wi an im.

Ruoman 6:10

Wen Jiizas ded, sin luuz aal a it powa fi eva, an di laif we im a liv nou, im a liv fi Gad.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

1 Korintiyan 1:7

So wail unu a wiet fi wi Laad Jiizas Krais fi kom bak notn no de we unu kuda waahn ar niid. Gad Spirit don gi unu evriting.

1 Korintiyan 15:54

An wen dat apm, a dem taim de di sitn dem we rait dong iina Gad wod a-go apm tu. Mi a taak bout di paat we se, “Det luuz, it naa no powa uova wi.”

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

2 Tesaluoniyan 2:1

Nou breda an sista, bout di die wen wi Laad Jiizas Krais a kom bak, an ou di uol a wi a-go get gyada op fi go miit im — wi a aks unu du,

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.

Taitos 2:13

It a tiich wi wail wi wiet an luk faawod fi di die wen wi laad an sievya Jiizas Krais kom bak iina aal a im powa.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Iibruu 10:10

An siek-a dat, di uol a wi ton kliin iina Gad yai. Im sakrifais im uona badi jos wan dege-dege taim an dat kova evriting.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

Iibruu 2:3

den a ou wi a-go get we, ef wi ton wi bak pan da impuotant mesij ya bout ou Gad a-go siev wi, an no pie it no main, iihn? A di Laad Jiizas imself did fos tel piipl bout it yu nuo. An den di piipl dem we did ier im, mek wi nuo se it go so fi chuu.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

Iibruu 7:27

Im no tan laik di ada liida dem fi di priis dem we afi bon sakrifais fi fi dem uona sin an den fi di piipl dem sin die afta die afta die. Nuo sa! Im sakrifais imself gi Gad wan taim, fi evribadi, an a it dat.

Iibruu 9:25

An im neehn go iina evn go gi op imself uova an uova laik ou di liida fi di priis dem did afi go iina di Uoliyis Plies ier afta ier a kyari blod we a no fi dem uon.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

2 Piita 3:12

wail unu a luk faawod fi jojment die kom an a du unu bes fi mek it kom kwik. A da die de evn a-go bon op, an di yuunivors wid aal di son, muun, staar an aal a dem sitn de a-go bon op tu an melt op.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

1 Jan 3:5

Unu nuo se Jiizas kom fi tek we sin an im no av no sin at aal.

Juud 1:21

Tan iina Gad lov an gwaan wiet fi Jiizas kom an mek wi liv fi eva, kaaz a dat im a-go du, kaaz im so gud an kain tu wi.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.