Iibruu 9:25 - Di Jamiekan Nyuu Testiment

²⁵ An im neehn go iina evn go gi op imself uova an uova laik ou di liida fi di priis dem did afi go iina di Uoliyis Plies ier afta ier a kyari blod we a no fi dem uon.

Iibruu 9:25 ပူးပေါင်းရင်းမြစ်များ

Iibruu 9:12

An a no guot blod ar kou kyaaf blod im tek du dis. Bot a fi im uona blod im tek go iina di Uoliyis Plies. Im go de onggl wan dege-dege taim an a it dat — im wan siev di uol a wi fram sin fi eva!

Iibruu 9:7

Bot a onggl di liida fi di priis dem wan kyan go paas di sekan kortn we de insaida di tent, an a onggl wan taim fi di ier im wuda du dat. Im neva go an no tek animal blod wid im. Im wuda gi Gad dat fi fi im sin an fi di rang sitn dem we piipl du an no iivn si se dem du.

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Iibruu 10:19

So mi breda an sista, laik ou wi frii fi go iina di Uoliyis Plies siek-a Jiizas blod,

Iibruu 9:26

Ef a so, den Krais Jiizas wuda afi sofa uol iip a taim sins di worl mek. Bot nier di taim wen di worl a-go don nou, im gi op imself laik wan sakrifais, onggl wan taim, an dat kova evriting. Da wie de im kuda get rid a sin.

Iibruu 10:10

An siek-a dat, di uol a wi ton kliin iina Gad yai. Im sakrifais im uona badi jos wan dege-dege taim an dat kova evriting.

Iibruu 9:2

Dem put op wan tent fi worship Gad an afta yu go chuu di fos kortn yu did de iina di Uoli Plies. Iin de-so, yu did av wan lampstan an di tiebl wid dem speshal bred we di priis tek gi Gad.