Iibruu 9:19 - Di Jamiekan Nyuu Testiment

¹⁹ Kaaz wen Muoziz did tel aal di piipl dem evri wan a Gad ruul we did rait dong iina di Laa Buk, im tek wan kou kyaaf blod an guot blod, wid waata an wan likl piis a wan plaant niem isop, we im tai wid som daak-red shiip skin, an springkl di blod an waata pan di Laa Buk an pan aal a di piipl dem.

Iibruu 9:19 ပူးပေါင်းရင်းမြစ်များ

Matyu 27:28

Dem tier aaf im kluoz an put aan wan brait red ruob pan im.

Maak 15:17

Dem put wa lang lang porpl jakit pan Jiizas, an wan kroun mek outa makabush pan im ed.

Maak 15:20

Wen dem don mak im an tek im mek preke, dem tek aaf im porpl ruob an put aan bak im uona kluoz. Den dem kyari im go we fi niel im pan di kraas.

Jan 19:2

Dem tek makabush mek kroun put it pan im ed. Den, dem jres im op iina porpl ruob.

Jan 19:5

Den Jiizas kom out a wier di maka kroun an di porpl ruob. An Pailat se tu tu dem se, “Unu luk, si di man ya!”

Iibruu 1:1

Iina di uol taim die dem Gad yuus tu yuuz im prafit dem uol iip a taim, an iina aal kain-a wie fi taak tu wi faada faada dem.

Iibruu 10:22

So siek-a aal a dem sitn de, kom mek wi jraa kluos tu Gad an no fried. Bot mek wi go tu im an riili chos im wid aal a wi aat. Kaaz Jiizas blod don kliin wi aat so wi kanchens frii, an wi badi don wash iina kliin waata tu.

Iibruu 10:4

Kaaz bulkou blod an guot blod kyaahn tek we nobadi sin.

Iibruu 12:24

Unu kom tu Jiizas, di wan we iina di migl we mek di nyuu plan bitwiin Gad an piipl. An unu kom tu im blod, we ron an wash we sin, an da blod de tan fi sitn wie beta dan Iebl blod.

Iibruu 9:12

An a no guot blod ar kou kyaaf blod im tek du dis. Bot a fi im uona blod im tek go iina di Uoliyis Plies. Im go de onggl wan dege-dege taim an a it dat — im wan siev di uol a wi fram sin fi eva!

Iibruu 9:13

So, ef guot an bulkou blod an di ashiz fi wan kou kyaaf kyan springkl pan piipl we no kliin iina Gad yai an mek dem kliin fi go worship Gad,

Iibruu 9:18

So di fos plan we Gad did mek neehn av no powa widout no blod.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.