Iibruu 9:11 - Di Jamiekan Nyuu Testiment

¹¹ Bot Krais Jiizas kom aredi az di liida fi priis fi di gud sitn dem we a kom. An di tent we im go chuu, dat biga an beta dan di ada wan. It no niid notn els fi mek it no beta dan it bi. An a no piipl mek da wan de. Dat miin fi se a no da worl ya it kom fram.

Iibruu 9:11 ပူးပေါင်းရင်းမြစ်များ

Matyu 11:3

fi aks Jiizas, “A yu a di wan wi shudaana luk fa? Ar wi fi luk fi sumadi els?”

Matyu 2:6

‘An yu Betliyem we iina Judiya, wen yu luk pan aal di ada toun dem we a liid, yu no wot no les dan dem — yu op de mongks di tap-a-tap toun dem; kaaz a fram outa yu wan liida a-go kom we a-go protek an liid mi piipl dem we iina Izrel.’”

Maak 14:58

“Wi ier im se, ‘Mi wi tier dong Gad ous we man mek an bil bak wan iina chrii die we man no mek.’ ”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 4:25

Den di uman se tu im se, “Mi nuo se di Mesaiya, di wan we dem kaal di Krais, a kom. Wen im kom, im a-go tel wi ou evriting go.”

Aks 7:48

Bot wi nuo se di Muos Ai Gad no liv iina ous we man mek. Wan a im prafit se:

2 Korintiyan 4:18

So wi naa wach di sitn dem we wi kyan si, kaaz dem sitn de naa go laas fi eva. Insted-a dat wi wach di sitn dem we wi kyaahn si kaaz dem de sitn de laas fi eva.

2 Korintiyan 5:1

Wi nuo se wi badi a laik di ous dem we wi liv iina, dem naa go laas fi eva. An wi nuo se wen da badi ya mash op, Gad wi gi wi wan nyuu wan we im bil imself. Da badi de wi wi get wen wi riich a evn an it a-go laas fi eva.

Koloshan 2:11

An kaa unu kluos tu Jiizas im sorkomsaiz unu. Unu no sorkomsaiz laik naamal, laik wen piipl kot we skin fi shuo se dem a Gad piipl. Nuo sa, im kot unu we fram sin. So sin naa no muo powa uova unu.

Iibruu 10:1

Di laa we di Juu piipl dem get a no di riil ting, it a no notn laik di gud gud sitn we a kom. Da laa de a jos laik di sheda fi di riil sitn dem. Kaaz ier afta ier, uova an uova di priis tek di siem sakrifais gi Gad fi mek di piipl dem we kom kom worship get kliin, an stil di sakrifais kyaahn mek di piipl dem kliin iina evri wie.

Iibruu 12:27

Nou wen im se, ‘wan muo taim,’ dat shuo se di sitn dem we get shiek op im a-go tek dem we, an dem sitn de a di tingz we im did mek. Im a-go du dat so wa kyaahn shiek op, kyan tan.

Iibruu 13:14

Kaaz wi naa no siti we a-go laas fi eva ya-so, bot wi a luk fi di siti we a-go kom.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.

Iibruu 7:1

Da Melkezidek ya we wi a taak bout, im did a king fi Sielem, an did a di priis fi di Muos Ai Gad tu. A im did miit op Iebriyam an bles im wen Iebriyam did jos a kom baka im yaad afta im go biit aaf di king dem.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.