Iibruu 8:9 - Di Jamiekan Nyuu Testiment

⁹ It naa go komiin laik di pramis we mi did mek wid dem faada faada dem wen mi did tek dem an — an liid dem outa Iijip. Kaaz dem did brok di pramis an neehn lisn wa mi se, so mi ton we fram dem. A dat di Laad se.

Iibruu 8:9 ပူးပေါင်းရင်းမြစ်များ

Gyalieshan 4:24

Nou wi kyan tek wa apm wid Iebriyam tuu bwai an yuuz it fi shuo di tuu pramis dem we Gad mek. Di fos pramis afi du wid di Laa we Gad gi Muoziz op a Mount Sainai. Da pramis ya a laik Iegar. Jos laik ou fi ar pikni a sliev a siem so di piipl dem we a paat a da pramis ya, a sliev tu.

Maak 8:23

So Jiizas uol di man an an kyari im go outa di toun. Den im pit pan di man yai dem, put im an pan dem an aks di man se, “Yu kyan si notn?”

Aks 13:11

Rait nou Gad a-go chraik yu dong an blain yu an yu naa go kyan si di son lait fi nou.” Siem taim im yai dem get fag op an daak an im staat fiil im wie roun an a chrai fi fain sumadi fi uol im an an liid im we im waahn fi go.

Aks 9:8

Saal get op, bot wen im uopm im yai dem im kudn si a ting. So dem uol im an an liid im go a Damaskos.

Aks 7:36

Im liid dem outa Iijip. An im du som powaful mirikl an sain iina Iijip, a di Red Sii an iina di dezot fi faati ier.