Iibruu 8:2 - Di Jamiekan Nyuu Testiment

² An im wok az di liida fi di priis dem iina di muos uoli uoli plies, we Gad de. Da tent de a di riil tent, a di Laad put dat op — a no man!

Iibruu 8:2 ပူးပေါင်းရင်းမြစ်များ

2 Korintiyan 5:1

Wi nuo se wi badi a laik di ous dem we wi liv iina, dem naa go laas fi eva. An wi nuo se wen da badi ya mash op, Gad wi gi wi wan nyuu wan we im bil imself. Da badi de wi wi get wen wi riich a evn an it a-go laas fi eva.

Ruoman 15:8

Kaaz mi a tel unu, Krais Jiizas did kom fi elp di Juu dem. Im did kom fi shuo dem se Gad wi aalwiez du wa im se im a-go du — im did kom fi shuo dem se Gad wuda du aal we im did pramis di Juu dem faada faada go bak se im wuda du.

Iibruu 11:10

Iebriyam tan de kaaz im did a luk faawod fi wan siti we Gad did jraa op an bil. Da siti de tan op pan som chrang foundieshan.

Iibruu 10:21

Plos wi av wan priis we a wan a di bigis wan eva, an a im ruul uova Gad ous.

Koloshan 2:11

An kaa unu kluos tu Jiizas im sorkomsaiz unu. Unu no sorkomsaiz laik naamal, laik wen piipl kot we skin fi shuo se dem a Gad piipl. Nuo sa, im kot unu we fram sin. So sin naa no muo powa uova unu.

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Iibruu 9:1

Nou di fos plan we Gad did mek did av ruul bout ou piipl fi worship im, an bout di tent we piipl fi worship — we piipl mek.

Iibruu 10:11

An aal a di priis dem tan de die afta die, a sorv an a gi op di siem sakrifais uova an uova — an dem de sakrifais kyaahn tek we sin.

Revilieshan 21:3

An mi did ier wan loud vais fram di chuon a se, “Fram nou aan Gad yaad a-go de mongks piipl. Im a-go liv wid dem an dem a-go bi fi'im piipl. Gad imself a-go de wid dem an im a-go bi fi dem Gad.