Iibruu 8:11 - Di Jamiekan Nyuu Testiment

¹¹ Nobadi naa go afi tiich dem nieba agen, ar dem breda ar sista dem se dem fi, ‘nuo di Laad.’ Kaaz evribadi a-go nuo mi aredi, fram di liklis wan tu di tap-a-tap.

Iibruu 8:11 ပူးပေါင်းရင်းမြစ်များ

Jan 6:45

Wan a di prafit dem rait iina Gad wod se, ‘Gad a-go tiich aal a dem.’ Evribadi we lisn tu di Faada an tek iin wa im se kom tu mi.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Aks 8:10

Evri jak man iina Samieriya, fram di likl man tu di big impuotant wan dem lisn tu im. Dem se “Da man ya a di gad we niem di Griet Powa. A im kom dong kom ton Saiman.”