Iibruu 7:8 - Di Jamiekan Nyuu Testiment

⁸ Nou, di priis dem we kom fram Liivai, we get wan outa evri ten, di uol a dem ded, bot Melkezidek we get wan outa evri ten, Gad wod tiich se im no ded.

Iibruu 7:8 ပူးပေါင်းရင်းမြစ်များ

Iibruu 6:20

A de-so Jiizas go tu. Im go de bifuo wi, so im kyan elp wi. An im ton wan liida fi di priis dem fi eva, jos laka Melkezidek.

Iibruu 5:6

An somwe els im se, “Yu a wan priis fi eva, wan priis laka Melkezidek.”

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Iibruu 7:23

Nou a uol iip a priis yu did afi av. Kaaz priis wuda ded an so ada priis wuda afi kom tek uova.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Iibruu 3:16

Kaaz a uu dem piipl de we ier Gad an mek op dem main se dem naa lisn we im se? A neva di siem piipl dem we Muoziz did liid outa Iijip?

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Iibruu 9:27

An jos laik ou wi nuo fi shuor se a wan taim evribadi a-go ded an den Gad a-go joj dem,

Iibruu 7:7

An evribadi don nuo aredi se sumadi we a bles sumadi els, biga dan di wan we a get bles.

Iibruu 7:9

An wi kuda se Liivai imself, we get wan outa evri ten sitn, did pie Melkezidek wan outa evri ten tu di taim wen Iebriyam did gi im wan outa fi im ten.