Iibruu 7:3 - Di Jamiekan Nyuu Testiment

³ Melkezidek naa no mada, im naa no faada, im naa no fambili chrii fi shuo a we im kom fram. Im neehn baan an im neehn ded, laik Gad Bwai Pikni im tan wan priis fi eva.

Iibruu 7:3 ပူးပေါင်းရင်းမြစ်များ

Iibruu 7:17

Kaaz Gad wod se, “Yu a-go ton wan priis fi eva, jos laka Melkezidek.”

Iibruu 7:6

Da man ya duo, Melkezidek, nobadi kudn shuo se im kom fram Liivai fambili bot im get wan outa evri ten fram Iebriyam. An a im did aal bles Iebriyam tu — wen a Iebriyam Gad did mek pramis tu.

Matyu 4:3

A da taim de di devl, we eva a chrai mek piipl du rang, kom se tu im se, “Ef yu a Gad Bwai Pikni, tel dem rakstuon ya fi ton bred.”

Iibruu 4:14

Wi av wan liida fi di priis dem we a di bigis wan outa aal a di liida dem fi priis. Im go we Gad de — dat a Jiizas, Gad Bwai Pikni. So laik ou im a fi wi liida fi priis, di uol a wi we se wi biliiv iina im fi uol aan chrang chrang an gwaan biliiv siem wie.

Iibruu 7:1

Da Melkezidek ya we wi a taak bout, im did a king fi Sielem, an did a di priis fi di Muos Ai Gad tu. A im did miit op Iebriyam an bles im wen Iebriyam did jos a kom baka im yaad afta im go biit aaf di king dem.

Iibruu 7:2

Iebriyam tek wan outa evri ten sitn we im did get iina di waar an a kyari go baka im yaad, an gi im. Nou di niem Melkezidek riili miin ‘king we du wa rait,’ bot den ‘king fi Sielem’ kyari wan difrant miinin, dat miin ‘king we mek piis.’