Iibruu 7:28 - Di Jamiekan Nyuu Testiment28 Di Laa gi piipl we wiik, an we wi du rang, pozishan fi ton di liida fi priis. Bot di pramis we Gad mek, we kom afta di laa, da pramis de mek di Bwai Pikni liida fi di priis dem. An im ton di wan we kyan du evriting we im sopuoz fi du fi eva. အခန်းကိုကြည့်ပါ။ |
So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.
Bot Krais Jiizas, im a Gad Bwai Pikni. Gad put im inchaaj an im tek kier a Gad piipl dem an du wa Gad tel im fi du, jos laka ou wan bwai pikni we aalwiez du we im mada an faada tel im fi du wuda luk aafa dem ous an fambili. An ef wi uol aan chrang an gwaan luk tu Gad laik we wi buos bout aal di wail, den wi a paat a Gad piipl.