Iibruu 7:27 - Di Jamiekan Nyuu Testiment

²⁷ Im no tan laik di ada liida dem fi di priis dem we afi bon sakrifais fi fi dem uona sin an den fi di piipl dem sin die afta die afta die. Nuo sa! Im sakrifais imself gi Gad wan taim, fi evribadi, an a it dat.

Iibruu 7:27 ပူးပေါင်းရင်းမြစ်များ

Ruoman 6:10

Wen Jiizas ded, sin luuz aal a it powa fi eva, an di laif we im a liv nou, im a liv fi Gad.

Ifiijan 2:22

So, unu piipl we a no Juu, kaaz unu chos iina Jiizas, Gad a bil op unu an di Juu dem we chos iina Jiizas. Im a bil unu op tugeda fi faam wan ous we Gad Spirit liv iina.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Iibruu 5:1

A pik Gad pik evri wan a di liida fi di priis dem fram mongks dem uona piipl, so dem kuda kom tu Gad fi di piipl dem. An so, dem kyan kom gi Gad aafrin an bon sakrifais gi im fi di piipl dem sin.

Iibruu 5:3

A dat mek im afi bon sakrifais gi Gad fi fi im sin an fi ada piipl uon.

Iibruu 8:4

Nou, ef im did de pan ort im wudn ton liida fi priis at aal, kaaz yu don av liida fi priis aredi we gi di aafrin we di laa se fi gi.

Iibruu 9:12

An a no guot blod ar kou kyaaf blod im tek du dis. Bot a fi im uona blod im tek go iina di Uoliyis Plies. Im go de onggl wan dege-dege taim an a it dat — im wan siev di uol a wi fram sin fi eva!

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Iibruu 9:25

An im neehn go iina evn go gi op imself uova an uova laik ou di liida fi di priis dem did afi go iina di Uoliyis Plies ier afta ier a kyari blod we a no fi dem uon.

Iibruu 9:26

Ef a so, den Krais Jiizas wuda afi sofa uol iip a taim sins di worl mek. Bot nier di taim wen di worl a-go don nou, im gi op imself laik wan sakrifais, onggl wan taim, an dat kova evriting. Da wie de im kuda get rid a sin.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

Iibruu 9:7

Bot a onggl di liida fi di priis dem wan kyan go paas di sekan kortn we de insaida di tent, an a onggl wan taim fi di ier im wuda du dat. Im neva go an no tek animal blod wid im. Im wuda gi Gad dat fi fi im sin an fi di rang sitn dem we piipl du an no iivn si se dem du.