Iibruu 7:16 - Di Jamiekan Nyuu Testiment

¹⁶ an im no kom ton priis siek-a di fambili we im kom fram laik ou di laa se it fi go. Im ton priis kaaz im kyaahn ded — an dat powaful.

Iibruu 7:16 ပူးပေါင်းရင်းမြစ်များ

Koloshan 2:20

Sins Krais Jiizas ded pan di kraas, di spirit dem we ruul iina da worl ya naa no muo kanchuol uova unu. So sins unu did ded wid im, wa mek unu a liv laik se unu bilang tu da worl ya — a fala fi dem ruul an a du wa dem se?

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Iibruu 10:1

Di laa we di Juu piipl dem get a no di riil ting, it a no notn laik di gud gud sitn we a kom. Da laa de a jos laik di sheda fi di riil sitn dem. Kaaz ier afta ier, uova an uova di priis tek di siem sakrifais gi Gad fi mek di piipl dem we kom kom worship get kliin, an stil di sakrifais kyaahn mek di piipl dem kliin iina evri wie.

Iibruu 7:28

Di Laa gi piipl we wiik, an we wi du rang, pozishan fi ton di liida fi priis. Bot di pramis we Gad mek, we kom afta di laa, da pramis de mek di Bwai Pikni liida fi di priis dem. An im ton di wan we kyan du evriting we im sopuoz fi du fi eva.

Iibruu 7:3

Melkezidek naa no mada, im naa no faada, im naa no fambili chrii fi shuo a we im kom fram. Im neehn baan an im neehn ded, laik Gad Bwai Pikni im tan wan priis fi eva.

Koloshan 2:14

Im tier op aal we di Laa se wi uo, an niel dem pan di kraas. Im niel it op an muuv it outa wi wie, wen im did ded pan di kraas. An siek-a wa apm tu im, wi no afi pie fi notn agen.

Gyalieshan 4:9

Bot nou unu an Gad kluos — mi riili shuda se nou Gad mek it so unu an im kyan kluos — ou unu kyan ton unu bak pan im an a go bak go fala di wiik spirit dem we a ruul di worl an we naa no powa? Unu waahn go bak go ton dem sliev agen?

Gyalieshan 4:3

So yu si wi, wi a laik da pikni de. Wen wi did yong, di spirit dem we did av kanchuol uova di worl did av wi laik sliev.

Iibruu 7:21

Bot Jiizas did ton wan priis wen Gad pramis im se, “Mi, di Laad, pramis se yu a-go bi wan priis fi eva, an mi naa go chienj mi main!”

Iibruu 7:17

Kaaz Gad wod se, “Yu a-go ton wan priis fi eva, jos laka Melkezidek.”

Ruoman 7:14

Nou wi nuo di Laa kom fram Gad an dat it afi du wid wi spirit. Bot mi, mi a jos wan man. Mi komiin laik wan sliev. Mi a wan sliev an sin a mi maasta — mi afi du wa it se.

Iibruu 7:15

An aal a wa wi se, dat klier klier ef sumadi laka Melkezidek kom ton priis;

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!