Iibruu 7:15 - Di Jamiekan Nyuu Testiment

¹⁵ An aal a wa wi se, dat klier klier ef sumadi laka Melkezidek kom ton priis;

Iibruu 7:15 ပူးပေါင်းရင်းမြစ်များ

Matyu 13:21

Bot siem laik di plaant uufa ruut no go dong diip iina di grong, im no mek Gad wod go diip iina im aat, so im no laas no taim. Bot wen tof taim lik im siek-a Gad wod, im gi op an ton bak siem taim — siem laik ou di plaant jrai op an ded.

Iibruu 5:6

An somwe els im se, “Yu a wan priis fi eva, wan priis laka Melkezidek.”

Iibruu 7:11

Gad did gi di Izrel piipl dem di laa. Di priis dem did fi kom fram Liivai fambili an dem did impuotant tu di laa. Nou ef di priis dem fram Liivai fambili kuda du aal we dem did fi du, wan difrant kain-a priis wudn afi kom? Wan we tan laka Melkezidek, an we no kom fram Ieran fambili, no chuu?

Iibruu 7:14

Kaaz evribadi mos nuo aredi se a Juuda wi Laad kom fram, an Muoziz neva se priis a-go kom fram da chraib de.

Iibruu 7:16

an im no kom ton priis siek-a di fambili we im kom fram laik ou di laa se it fi go. Im ton priis kaaz im kyaahn ded — an dat powaful.

Iibruu 7:3

Melkezidek naa no mada, im naa no faada, im naa no fambili chrii fi shuo a we im kom fram. Im neehn baan an im neehn ded, laik Gad Bwai Pikni im tan wan priis fi eva.