Iibruu 7:11 - Di Jamiekan Nyuu Testiment

¹¹ Gad did gi di Izrel piipl dem di laa. Di priis dem did fi kom fram Liivai fambili an dem did impuotant tu di laa. Nou ef di priis dem fram Liivai fambili kuda du aal we dem did fi du, wan difrant kain-a priis wudn afi kom? Wan we tan laka Melkezidek, an we no kom fram Ieran fambili, no chuu?

Iibruu 7:11 ပူးပေါင်းရင်းမြစ်များ

Gyalieshan 2:21

Mi naa go ton mi bak pan Gad lov an ou kain im bi tu mi, kaaz ef sumadi kyan onggl mek tingz rait wid Gad ef im fala di Laa, den Krais Jiizas ded fi notn.

Gyalieshan 4:3

So yu si wi, wi a laik da pikni de. Wen wi did yong, di spirit dem we did av kanchuol uova di worl did av wi laik sliev.

Gyalieshan 4:9

Bot nou unu an Gad kluos — mi riili shuda se nou Gad mek it so unu an im kyan kluos — ou unu kyan ton unu bak pan im an a go bak go fala di wiik spirit dem we a ruul di worl an we naa no powa? Unu waahn go bak go ton dem sliev agen?

Iibruu 5:10

Kaaz Gad pik im fi ton di liida fi di priis dem laik Melkezidek.

Iibruu 5:6

An somwe els im se, “Yu a wan priis fi eva, wan priis laka Melkezidek.”

Iibruu 6:20

A de-so Jiizas go tu. Im go de bifuo wi, so im kyan elp wi. An im ton wan liida fi di priis dem fi eva, jos laka Melkezidek.

Iibruu 7:10

Kaaz wen Melkezidek did miit Iebriyam, Liivai neehn baan yet, an a Iebriyam fambili Liivai wudaana kom fram.

Iibruu 7:12

Wen Gad chienj di kain-a priis we kom, di laa mos chienj tu.

Iibruu 7:13

Im, Melkezidek, we wi a taak bout, im kom fram wan difrant chraib an nobadi fram da chraib de neva wok az priis a di alta yet.

Iibruu 7:15

An aal a wa wi se, dat klier klier ef sumadi laka Melkezidek kom ton priis;

Iibruu 7:21

Bot Jiizas did ton wan priis wen Gad pramis im se, “Mi, di Laad, pramis se yu a-go bi wan priis fi eva, an mi naa go chienj mi main!”

Iibruu 8:7

Kaaz ef notn neehn rang wid di fos plan, Gad wudn go mek wan neda wan.

Iibruu 9:6

So, wen di ting set op so nou, di priis dem wuda kom iina di fos paat a di tent aal di wail kom du dem priis wok.