Iibruu 7:1 - Di Jamiekan Nyuu Testiment

¹ Da Melkezidek ya we wi a taak bout, im did a king fi Sielem, an did a di priis fi di Muos Ai Gad tu. A im did miit op Iebriyam an bles im wen Iebriyam did jos a kom baka im yaad afta im go biit aaf di king dem.

Iibruu 7:1 ပူးပေါင်းရင်းမြစ်များ

Iibruu 6:20

A de-so Jiizas go tu. Im go de bifuo wi, so im kyan elp wi. An im ton wan liida fi di priis dem fi eva, jos laka Melkezidek.

Maak 5:7

Den im baal out pan tap a im vais se, “Lef mi no Jiizas, di Muos Ai Gad Bwai Pikni! Mi a beg yu, fi Gad siek, no mek mi sofa!”

Aks 16:17

Shi kip aan a fala baka wi an Paal an a baal out, “Dem man ya a di Muos ai Gad sorvant dem. Dem a priich an a tel unu di wie ou unu fi get siev.”

Iibruu 7:2

Iebriyam tek wan outa evri ten sitn we im did get iina di waar an a kyari go baka im yaad, an gi im. Nou di niem Melkezidek riili miin ‘king we du wa rait,’ bot den ‘king fi Sielem’ kyari wan difrant miinin, dat miin ‘king we mek piis.’

Iibruu 7:3

Melkezidek naa no mada, im naa no faada, im naa no fambili chrii fi shuo a we im kom fram. Im neehn baan an im neehn ded, laik Gad Bwai Pikni im tan wan priis fi eva.

Iibruu 7:6

Da man ya duo, Melkezidek, nobadi kudn shuo se im kom fram Liivai fambili bot im get wan outa evri ten fram Iebriyam. An a im did aal bles Iebriyam tu — wen a Iebriyam Gad did mek pramis tu.