Iibruu 6:8 - Di Jamiekan Nyuu Testiment

⁸ Bot di grong we onggl mek makabush an we eva wiid op wiid op, da grong de naa no yuus, an Gad suun mek it kyaahn bier notn; faiya a-go en op bon it dong.

Iibruu 6:8 ပူးပေါင်းရင်းမြစ်များ

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 3:10

Rait ya nou di aks de a di chrii ruut. An evri wan a di chrii dem we naa bier gud fruut a-go chap dong an bon op iina faiya.

Matyu 7:19

Evri chrii we no bier gud fruut, it get chap dong an dash iina di faiya.

Maak 11:14

So im se tu di chrii, “Fram nou aan nobadi naa go eva nyam fig fram yu agen!” An im falara dem ier wen im se so.

Maak 11:21

Piita memba wa Jiizas did se tu di chrii. Den im se, “Tiicha, luk! Di chrii we yu did se nobadi naa go eva nyam fram agen, it jrai op!”

Jan 15:6

Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

Iibruu 10:27

Bot notn no lef fi wi du dan fi wiet an fried a Gad jojment we a kom, plos di wikid wikid faiya we im a-go tek bon op di piipl dem we fait gens im.

Iibruu 12:17

Yu nuo se likl muo fram dat wen im did waahn get da blesn de nou, dem ton im bak. Im kudn tek bak wa im did du, aal wen im kom a baal.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.